Malta Diving Trip – Day 5 – Part 2 Diving near Valletta

上午完成了 2 個 dives 後, 我地回到位於 St Julian's 的 Dive shop 稍為休息一下, 我就乾脆跑到附近的小食店, 買了一個熱辣辣的 Chicken Pastry 當午餐. 確實於唔好的天氣下潛水, 體溫流失得特別快,真係需要一點熱食入肚架 ~

Malta 有非常多的 dive shops, 不過質素非常參差, 我當日選 dive shop 時都做了不少功課架 ! 這間 Dive shop 簡簡單單, 但所有 Equipments 都收拾得整整齊齊, 而且頗為新淨, 從佢地的對話當中, 我知 Gary 就係負責呢間店的 gear maintenance 架啦, 某程度都頗可以信賴的 ~

 

第三個 dive 正式出發, 由於這個 dive site 就於 Valletta 西邊的海港, 以前曾發生過車內爆竊事件, 各人事前要先將所有貴重物品鎖好於店內 ! 來到海邊時海浪頗大, 而且雨落過不停, 已預計這個 dive 能見度應該頗差, 今次還多了一位於 US 來經商, 從中停留幾天學 rescue diver 的中東人, 哈, Gary 同佢要玩水中 role play 呀 ~

這次是去探索一下 Maori – 這架 WWII 時期被炸沈的 ship wreck, 不過被炸時位置並唔係呢個港, 而係正正於 Grand Harbour 的港口, 亦好幸運地不是即時被炸沈, 當時尚有機會讓士兵們逃生, 甚至將船上的所有軍備撤走. 後來政府將船打撈上來, 再佢重新沈回現址, 好讓 divers 多一個潛點 ~

這個 dive 都唔算深架, 大約 15m 左右, 但就離岸較遠, 可能係正大城的港口, 水質有幾好都可以想像得到, 而且船齡較大, 真的化得所餘無幾了. 此潛可以搵到二戰時期的彈頭, 還有船上殘留的炮台遺跡, 今次有點特別, 竟然遇到了 Marble electric ray 呀, 還發生了一件小意外添 ~

話說 Gary 貪玩, 當我地發現沙地上有一個魔鬼魚印時, 由於佢以前翻過係冇野的, 就多手走去翻沙,  點知沙底真的藏有一條 ray, 仲要係 electric ray, 直接就電得佢全身一顫, 跟據佢的形容, 那感覺比用手插入電座還要厲害 ! 好在當時我冇倚靠 Gary 借力咋, 唔係連我都一齊電埋呀 !! 事後阿 ray 就有如盲頭烏蠅般四處亂竄 (想來是被驚醒了), 自己先一頭撞埋船邊, 再倒車轉身離去 ~ 

上水後, 雨下得越來越來, 衝忙地走入一個簡陋的屋前棚架, 一邊躲雨一邊拆 gear. 可惜棚架太殘舊, 跟本擋不了太多雨, 還是弄得一身濕 …

 

是日黃昏, 差不多餓到不行才出門搵食, 終於到了這架位於小巷未, 爛地旁的舊式牛扒屋, 似乎最出名的是火焰牛扒配秘制醬汁, 還是用 gas 爐現場即叫即煎, 牛扒配醬汁確實不錯, 連配菜都非當好味, 眼見廚師牛扒煎過不停, 就知道這家小小的偏僻餐廳, 還是有不少人來光顧架 ~

感謝 漂泊中的魚 提供以上資料
漂泊中的魚的網誌 http://traveling-fish.tixmart.org/