由 漂泊中的魚 於 2008-08-27 00:00:00 發表 | 累積瀏覽 504
差不多要開始回程了, 不過我仍然唔放過最後呢程路, 還是選了沿海邊走 !! 來到這個海邊的 view pt, 好多遊客都鍾意係呢度停低, 我就更加忍唔住要停車啦, 停車做乜 ?! 攤透囉 … 真係攤係度透架 ~
開住車, 唔覺唔覺來到 Fairbourne 海灘, 講特別就冇乜架啦, 但佢勝在夠長, 仲可以望到河口對面的另一小鎮 Barmouth. 要過去 Barmouth, 有 3 種方法 : 1. 係 Fairbourne 呢度坐 ferry 過對岸. 2. 開車過相中的收費舊木橋 3. 就係兜路繞過河口.
以上呢 3 種方法都唔適合我, 因為我留係 Fairbourne 行左個幾小時沙灘後, 最重要係四葉被困左日半後, 就扭計話要係沙灘玩陣喎, 咁我咪俾佢玩陣, 影左陣相, 跟住我地先開車離開 North Wales 啦 !!
係呢個沙灘上, 我都影左好多風景相, 出黎效果都唔錯 ~
回到 Birmingham, 由於呢 2 日都食得麻麻, 而家番到自己地方, 梗係搵番間唔錯的餐廳醫肚啦, 呢張係剛入黑時的 Canal.
