由 漂泊中的魚 於 2007-08-18 00:00:00 發表 | 累積瀏覽 488
上個 Weekend 仲係天朗氣清, 一轉眼到左呢個星期, 基本上日日都係陰天, 天氣又凍, 唔通已經過左 Summer ?! 俾番個 Summer 我呀 !!!!
之前提過, 我上星期日係 Bristol City Centre 漫行左一下午, 咁今日就放上黎俾大家睇下 !!
我好鍾意咁樣行下架, 有好的天氣, 有靚的風景, 有一個朋友 or 有一部 Mp3 機 (2 揀 1 ?!), 仲要有行 行下會遇到的 Cafe 一間 !! 咁就可以用左我一日時間架啦 ~
City Centre 的廣場, 今日天氣熱, 好多小朋友係小噴泉度玩水 ~
呢度叫 Harbourside, Canal 2 旁有好多餐廳 ~
Bristol 的新建部份, 好多 New Appartment, 又係 Canal 旁的 ~ (呢個圓球係咩黎 ?! 唔知喎 !)
YHA 就係 Canal 旁, 仲有架 Red Mini !
呢度係舊碼頭, 將會係 2009 年加個 Museum, 而家呢度暫時放左 d 展品, 包括路軌同火車 !
行到攰攰地, 係河邊搵間 Cafe 坐下, 晒下太陽, 真係舒服到唔想郁呀 !
Brunel's ss Great Britain, 一架由英國開去澳洲的船, 今次冇入去, 下次先帶埋阿媽去啦 !
住宅區, 風景好好, 河 2 岸都有行人道, 仲有一個 Marina !
離開河邊, 我地往 High Street 方向走, 經過另一個廣場, 有 Church, Library, 同一片草地 !
High Street, 上次黎時落大雨, 都冇乜留意, 今次黎到, 見呢度 d 屋都排得幾靚架喎 !!