搵食@漁屋

上星期六去左漁屋食日本放題,

呢次係第二次團購去食。

上次團購唔限時間食,呢次就限三個鐘,

我地book左第一輪,食5:00~8:00。

中意來呢度食既原因,一係時間充足,三個鐘,同朋友慢慢食唔洗趕;

二係坐既位置好寬落,唔似其它日本餐廳甘好逼;

三就係食物當然有一定既水準啦!

 

首自自己去攞,汽水任飲。

連清酒都任飲!朋友的至愛!

最受我地喜愛既係刺身!

三個鐘叫左4次來食!

牡丹蝦更是至愛!

除左刺身,又試左各種小食,枝豆啊,牛油粟米啊,都好好味!

另外,呢個雞泡魚乾係重點推介,很多日本放題都未必有得食。

熱辣辣岩燒出來即食,真係好味暴燈!

三文魚腩嘛就麻麻地,唔夠鮮甜。

 

因為壽司好飽肚,所以朋友無叫,得我叫左來食,都唔錯架。

 

天婦羅也炸得非常之好!

另一必食的係羊架,

羊肉唔覺有臊味,最難得係肉質好滑!

最後再食甜品,滿足了!

 

我地係團購,所以一人價錢為204元,

如唔團體,要250元一人,而且只有兩小時既時間食野。

下次見到有做團購,再買來食先!