今日係假期係第一日開工，（其實應該初五已經開工，好可惜凍左咁多日氣管終於頂唔順，請左sick leave，唉！尋日就一早講左annual leave，陪老公奶奶去拜年，所以今日先開工。），個放假mood仍然0向度，好sleepy好想返去覺覺豬。呢幾日無學生都叫relax d，但下星期又要開始super busy 0既日子喇！都係果句，開工大吉！！希望接住落黎0既日子身體健康、工作順利！升職加薪有當然最好，但最重要係身體爭爭氣，no more sick leave，唔駛再畀人扣糧！
我呢d已婚人士，返工無利是收仲要派返轉頭，數落公司真係好多同事未結婚呢，oh no！今年利是真係收支不平，計埋d禮盒，蝕蝕地tim。估唔到我廿四歲女就已經出多過入喇，真係救命！每諗到呢度，就後悔點解咁早結婚，應該等要生bb先結嘛！不過都係講笑only，我亦唔會為左回本而生個b 0既，哈哈！但講開又講，點解我所識0既親友都咁好生養0既，今年派多左好多個b呀，哈哈！
講起利是，今年利是好似有d縮水，唔知係咪真係關通縮事呢？！我自己就無縮水，都係得兩款囉，不過烏龍0既我竟然搞亂左，變左有d正常、有d多左、有d少左，唯有睇收果個好唔好彩，sorry呀！
禮盒又係亂哂，基本上除左媽媽、奶奶同老0既長輩之外，其他禮盒我都係求其買，之前都講過我年廿九先去辦年貨，趕到根本無時間慢慢揀，因為怕唔係個個都0岩，我大部份都買左餅果d大路0野，買0既時候都仲記得買左乜，買完就真係唔太記得，派果陣就更加唔知邊盒打邊盒，都係憑記憶隨機抽，哈哈！
今個年假除左病果日之外，其實都過得ok充實，不過呢輪好busy唔得閒寫，遲d補返！
下面係我年廿九果日經過新城市影0既相，今年佈置好靚呀，仲有我好鍾意0既桃紅粉紅色，點可以唔影低呢！
