重返舊工作 ( 感想 )

話說小妹星期六 , 日返左舊公司做 Part-time 地勤 . 見返好幾位舊同事 , 基本上 , 小妹認識既同事已經走得七七八八 , 可想而知當小妹見到有認識既同事個刻有幾開心 , 幾感動 . 可惜 , 每回同事唔係同小妹講 " 我下星期 last day " , 就係同小妹講 " 我都係 Part-time " .

睇到同事因辛苦而走係家常便飯 , 小妹入職時 , 有成十個同期 , 唔夠半年就走左一半 , 到依加得返兩個仲做緊 , 有些期數一年都唔夠就全軍覆沒 . 所以 , 做左三年半既小妹不但可以開班教書 , 相信將來仲可以出返本書 !

一間公司每年有人才流失係正常 , 但今年係正常流失嗎 ? 有傳聞公司三個月走左 100 人 , 雖然不停咁請新人 , 但青黃不接 . 小妹係社會成日評擊既八十後 , 但自問八十後被新一代九十後耐勞得多 . 最少跟小妹同為八十後的同事唔會因為考試唔及格而被炒魷魚 , 又或者因為被乘客鬧兩句就唔做 .

小妹於這三年半不停地教新同事 , 發現一蟹不如一蟹是事實 . 現在的小孩是太幸福嗎 ? 遇有突發時不會處理是人之常情 , 但作為一個大人 , 唔係應該先作多方面嘗試 , 四處打聽一下嗎 ? 但現今的新同事只會打電話跟公司說 " 我不會 " , 然後就將個客擺係 counter 前面 , 就走人 ... 舊同事說最近因人手不足 , 每天工時十二小時是正常 , 還要應付這班無責任感既新同事 , 唔想做死 , 唔走唔得 !

一間公司留唔到舊人 , 請唔到新人 , 結果 , 做就左小妹返黎做 Part-time , 我係唔係應該感謝依班新同事呢 ?