7 APRIL 2014(MON)
小小豬今日又有口福,因為我又整左個新甜品,睇佢食得幾招積~其實依一款甜品嘅名堂就係 - 士多啤梨益力多布丁,係我前幾日係BABY KINDOM有媽媽分享,見都好似幾簡單,所以學整埋一份啦!
趁今晚嘉汶表妹返嚟食晚飯,所以就整左啲嚟做今晚甜品啦!
材料好簡單,就係需要依啲啦:益力多3支、淡忌廉200ML、糖1茶匙、魚膠粉4茶匙、士多啤梨4粒~
攪拌後加入糖,用細火慢慢煲至糖完全溶晒(糖嘅分量可以因應個人口味加減,不過我覺得本身益力多都係甜,所以我糖嘅分量都只係落左半茶匙)~
之後每杯放上一粒士多啤梨,咁樣一杯好味嘅士多啤梨益力多布丁就完成啦~
味道又如何?我地一致都覺得個味道係唔錯仲覺得好特別。不過唔知係唔係魚膠粉落多左啲啲,所以感覺就硬身左少少,口感就唔多似街外嘅布丁咁彈彈吓,但我地就覺得比較似雪糕呀~
今日依個新甜品唔可以話係失敗,只可以話唔夠完美,不過我已經覺得好滿足,因為整左出嚟嘅甜品有人欣賞嘛,所以我要繼續整多啲先得呀!
其他博客區
※※ SINA ※※
※※ MyBB星級Blogger ※※
※※ WeShare ※※
※※ She.com ※※