蝦子餅從前持住後生...工作過份博命...
導致勞損過度...膝頭經常隱隱作痛...
年紀越大...痛楚越大...
BLOG友袁太提到牛蒡有助舒緩腳痛...
心思思想試一試...睇睇有冇幫助...
如果WORK既...一星期煲一次俾蝦子餅飲...
不過...自己唔太識...只有...上網揾揾牛蒡功效...
本草綱目記載...通十二經脈...除五臟惡氣...久服輕身耐老...
牛蒡屬菊科類...兩年草本植物...根深葉茂...
富含人體所需的多種維生素同礦物質...
牛蒡含有一種非殊養分...菊糖...
一種可以促進荷爾蒙分泌的精氨酸...
有助人體筋骨發達...增強體力及壯陽...
糖尿病患者適合食用...
好似得得地喎...試試啦...
唔得最多冇下次...
行遍全個街巿...只有花舖有得買...
唔知點買...請教一下老闆娘...
老闆娘問我幾多人飲..."三個"...
二話不說...幫我選左一條細少少幼身既...
長度約四分三支掃把...
本身想影牛蒡原形...不過...
我未開口...好心既老闆娘已經幫我去緊皮...
去皮之後...手起刀落再切件...
吩咐我番去洗乾淨就可以煲啦...
還建議我加既材料...
聞聞好像有點參既味道...唔知成品似唔似參湯呢???
雪耳一朵...
用清水浸大...
剪去根部...深黃色部份唔要...