元朗雷神 當年加太賀元祖華哥 打擊無良心人＠追蹤J2飲食男女篇

最記得節目訪問華哥雷神命名：「天上掌權正義，要來懲罰無良心嘅人」，後知後覺得我，當然看了節目後才知道雷神已於元朗舊B仔涼粉斜對面「敬惡懲奸」2年多。

今日，星期三，兩公婆專登補假走入元朗找華哥，經過「雷神」旁邊多了一間「哪吒」，以為華哥又開分店，我們一走入店內即時問問華哥，他本來笑笑口即時嚴肅起來：「唔係架！無關係！我哋唔識佢嘅！」

今日算是平日，連阿太都說：「下晏2點咩人都返晒工返晒學啦，仲食晏咩！點會迫呀！」，誰知雷神依然人山人海，地下30個座位座無虛席，再有人客來，店員問：「介唔介意上一樓？不過樓梯比較窄，小心啲喎！」原來雷神還有一層，樓上還有電視機。

問華哥介紹好食物，他說：「試下芥末雞軟骨餃子，千軍海老炸豆腐，厚切牛舌串燒，自製肥叉燒都唔錯，不過今日豚肉就賣晒，下次嚟食之前CALL我。」

雷神座位有點狹窄，木檯木椅木設計，兩邊牆壁寫滿菜式名稱，高高的樓底掛了一個大紅「雷神」燈籠，十足十走到日本巢鴨街頭的居酒屋一樣。不過因為活動空間有限，拍照有點困難。

當我們吃著又腍又入味的秘製叉燒時，對面又換來兩位新食客，男朋友向女朋友說：「上次夜晚嚟食唔到豚肉，今日中午嚟又食唔到，真係無緣啦！」女朋友答：「下星期再嚟過囉。」已經不止2檯，3檯的食客因「無豚輕嘆」，看來我們也要找晚再來一嚐神秘的豚肉的滋味。

今日我覺得最好味是外層似小雀巢，脆岳岳，內裡暖笠笠的千軍海老炸豆腐，但一定要問華哥多拿兩碟特製甜甜酸酸沙津醬，甚麼是至高享受呢？試一試就知。

不過對於華哥推介的牛舌串燒，則有少少保留，太殘忍了，感覺與牛接吻，接到一半再將對方的舌頭咬斷，連隨吞噬，很恐怖呵！

阿太投訴我為她點了蝦兵蟹將辣味蕃茄烏冬，「我食完碗烏冬都飽晒，根本食唔到其他野。」哈！哈！