27 MAY 2014(TUE)
就係今日放學搭巴士返屋企嘅車程上，小小豬又俾左個大驚喜我啦~平日放學時段搭巴士都係會好多人，好多時候都係冇位坐，不過小小豬又好鐘意搭巴士，所以就算係好多人，我地都係會搭巴士返屋企。
因為我覺得就係算係小小豬要企係巴士一陣，都會冇所謂，因為其實我覺得係巴士上都可以啲生活睇驗。小小豬都會好留意巴士上嘅乘客做緊乜，好似會留意啲叔叔/姨姨睇緊啲咩、食緊啲咩，有時都仲會主動問啲姨姨，咁就會同啲姨姨慢慢傾吓計。
其實咁都好好，因為可以訓練到小小豬可以大膽同其他陌生人傾計，對佢嘅社交發展都好有幫助， 所以我好都幾鐘意同小小豬搭巴士呀！
不過今日就係巴士上，小小豬都做左一件令我意想不到嘅事。
事緣放學搭巴士回家時，小小豬見到一名老婆婆冇座位坐，於是就主動同我提出讓座俾婆婆，就係咁我地就迫迫地三個人一齊座啦！
其實嗰位老婆婆都係企左一分鐘都冇，真係估唔到小小豬比我仲睇得快。
可能比起其他小朋友嚟講都係一件普通事，不過我真係完全冇諗過小小豬識得主動有依個行徑，仲會咁留心觀察周圍事物，所以係我心目中小小豬已經有一大進步，所以我都幾引以為榮呀！
希望小小豬繼續KEEP住依份同理心，好好發揚光大啦！
其他博客區
※※ SINA ※※
※※ MyBB星級Blogger ※※
※※ BlogSpot ※※
※※ WeShare ※※
※※ She.com ※※
※※ theZtyle ※※
※※ SeeWide ※※
※※ BK Milk 親子語 ※※
※※ Cook 1 Cook 星級廚師 ※※
