小妹一向都好鍾意食曲奇，早期更偏向牛油味重又鬆化既曲奇，後來得知，個種入口即化，連咬都唔使咬既曲奇真係超級肥又油，所以而家就會揀一些無咁油又好味既曲奇黎食。

早排經過皇室堡，咁岩見到東華三院既社企iBakery係個度擺左個臨時檔。

iBakery其實係東華三院屬下專門訓練及聘用殘疾人士既社會企業，係2010年七月成立，為殘疾人士提供工作機會，亦為顧客提供優質安全既烘焙產品和服務。

攤位有售賣各款曲奇同抹茶手工蛋糕，最近推廣既係抹茶手工蛋糕同曲奇。曲奇價錢大約都係三十幾蚊有100g，抹茶味就貴點要$48。

蛋糕據說係以頂級京都抹茶所製，並且係由京都凱悅酒店首席餅師安田俊二先生技術培訓，聽落好似好厲害，相信味道都唔差，所以他好快就決定要買埋個蛋糕黎試。

抹茶曲奇 $48

一返去急不及待身試下抹茶曲奇，小妹呢盒淺綠色包裝既係低糖味道，長條形既曲奇，一包有十塊，價錢唔平，望到每塊顏色綠悠悠既曲奇，確係頗吸引。

曲奇咬落滿鬆化，但不至於係重牛油整成個種入口即化，愈嚼那股抹茶既香味慢慢滲出黎，味道天然又唔會過甜，不錯。

京都抹茶手工蛋糕 $118

用上深綠色厚身布包著，很有日本的感覺，特別高貴。店方話下次去買，拎返塊布去可以平幾蚊呢。

打開後，蛋糕有用透明膠套入住，切開後見到內裡深綠色的抹茶蛋糕啊! 先咬一口，蛋糕很軟屬，唔會好乾帶點濕潤，有陣陣抹茶既甘甜味同清香，味道相當唔錯。

愛烘焙麵包工房  ibakery 

(港鐵堅尼地城站 C 出口, 步行約6分鐘) 

地址: 西環堅尼地城域多利道1號百年大廈2座地下2號舖

電話: 2816 5233

營業時間: 星期一至日:07:00 - 20:00

================================

(喜歡的，請按讚支持，是給我很大的鼓勵啊 )  

Connie's Food and Life Corner

   

============================================

感謝 糖小妹 提供以上資料

糖小妹的網誌: http://concon2016.blogspot.hk/

============================================