抱歉,發生點錯誤。
重新載入

爲保持穩定性及速度,建議在Wi-Fi或真。無限3G情況下,才上載圖片!

 

詳情
HK
分鐘
服務詳情
繼續預約

泰閣 (油麻地店)

2評論人均$145
電話:
付款方式:現金,Visa,萬事達卡
  • 評論
  • 介紹
  • 推薦

Be Fans Now!

登入/註冊後,成為商店粉絲後,即可自動獲得最新商店消息或優惠。

按此成為粉絲

成爲粉絲
點擊同意,即代表您已同意成為該商店的粉絲,且同意服務條款私隱政策退訂政策優惠政策
不同意
同意

泰閣 (油麻地店)介紹

泰閣 於香港有三間分店, 分別位於尖沙咀、油麻地和香港仔。是一間品嚐 泰國菜 的餐廳。有不同的套餐供選擇,餐廳 招牌菜是招牌咖喱炒蟹 !以下係探險家《山區麵包王》為大家作出既實地報導:「泰閣 Koon Thai Cuisine:嶄露頭閣」導師從肯雅返嚟述職,匆匆又要回去,所以,一班朋友趁佢離開前一個星期,設席餞行,並順道幫佢慶生。就佢方便,就選上佢家附近嘅「泰閣」,其實,對其他人都一樣方便,因為餐廳就晌油麻地港鐵站傍,近在咫尺。泰閣,無論門面、室內,都一派型格,一室芥辣黃皮椅,已經搶眼非常,木條屏風、木地板、泰式木雕,雖然都有點「神神佛佛」嘅擺設,但不失摩登。除咗卡位,四或六人枱之外,仲有兩張10人大圓枱,方便一大棚人傾偈。正值入秋,天氣都涼咗好多,幾款應節嘅冬日窩心飲品,都喺值得一試嘅熱飲。印刷精緻嘅餐牌中,菜式共分為10類,包括沙律、湯類、海鮮、咖喱、蔬菜、肉類、飯類、麵類、飲品及甜品,另加一個近期新推嘅廚師推介餐牌。雖然有套餐供選擇,大家想散點較自主。金柚子鮮蝦球沙律 $98泰國金柚拆得大大嚿,清甜多汁,苦澀味輕,蝦肉鮮甜爽口,加埋花生粒、魚乾仔、乾蔥、辣椒碎,酸香醒胃、又帶點鹹鹹、辣辣,有口感,有層次。冬蔭功 $168冬蔭功湯有大細之分,前者為2人份($88),後者為4-6人份($168),不過,我哋點個大嘅,分完8小碗,都仲可以多添兩碗,所以10個人都夠晒飲。而且,亦可要求減辣。橙紅嘅冬蔭功湯,酸辣醒神,又唔嗆喉,湯內有鮮蝦、草菇,又混入重重泰式香料,味道複雜富層次。鐵板蠔仔炒蛋 $88喺廚師推介餐牌嘅菜式之一,雖則唔算話好有泰國特色,但炒蛋無炒得過老,蠔仔又夠肥美,蘸一點泰國辣醬,辣味更能吊起蠔鮮。雖然本身都唔算炒得油膩,但加埋墊底嘅銀芽同食,口感更清爽。南瓜紅咖喱海鮮 $118另一道廚師推介餐牌嘅菜式,賣相比餐牌做得更靚。鮮黃色嘅紅咖喱喺「一隻辣椒」辣度,所以,辣得輕微,應該大部人都接受到,不過,如想搵多點刺激,可要求加辣。紅咖喱惹味得嚟滲有點點泰式香草味,海鮮有青口、魷魚、魚柳同鮮蝦,用料不賴,當然唔好輕易錯過啲南瓜,瓜殼內刮吓刮吓有唔少肉食,又粉又甜。椰汁青咖喱雞 $88點一客咖喱大家又點夠喉吖?泰式咖喱又紅又黃,唔少得青咖喱一份,椰汁青咖喱可配豬、牛、雞或雜菜。個咖喱色澤青青綠綠,淋上少少鮮椰汁,插樖金不換,望落清新怡人,完全會忽略咗佢個辣度。幸而個青咖喱辣度溫和,除有唔少爽滑嘅雞肉,更加有大量青豆角、泰式茄子作伴菜,所以,整體個感覺較清爽健康。牛油酥餅(3塊)$35、蒜蓉包(5件)$35兩客咖喱菜式一定剩番唔少咖喱汁,配白飯當然精明唔嘥料,不過,搵牛油酥餅及蒜蓉包沾咖喱汁喺咪更上算呢?牛油酥餅酥酥軟軟,小片小片蘸紅咖喱,簡單味美;而青咖喱搭蒜香,滋味倍增,再者,法包烘得鬆脆,豈可唔爭住食吖。泰式明爐魚 $188明爐魚泰式、越式都有,做法相近,在乎味道配搭。一大條烏頭之上,放咗好多配料,如乾蔥、青蔥、金不換、芫茜、青檸……等等,待一滾起,香氣四溢。魚肉質嫩,好有魚味,沾沾湯,酸酸辣辣,味道紛陳,另備一小兜醬汁,唔點都夠晒風味。泰式鹹肉椰菜苗 $82泰式鹹肉有啲似我哋常食嘅燒肉,算唔上好特別,勝在鹹香,令椰菜苗更惹味;而椰菜苗炒得爽脆,有嚼頭,唔知嘅人可能會覺得佢有啲硬,正如西芹炒得過腍都唔好食。香焗芋頭飯 $93賣相絕對喺平平無奇,不過,果然喺真人不露相。餐牌內有成10多款飯品,可謂各具特色,經理推介嘅香焗芋頭飯,飯內混和咗香芋、肉碎、冬菇、西芹、蝦仁、腰果……,每一啖都口感豐富,飯粒軟綿,真喺無介紹錯。泰式甜品拼盤 $48(小)/ $78(大)因為我哋已預備咗一個慶生小蛋糕,所以,最後嘅甜品環節要一客細嘅甜品拼盤可以喇。拼盤包括:椰絲芝麻糯米糍、椰汁木薯、椰汁千層糕、椰汁大菜糕及椰汁西米糕,以口感如蕃薯嘅木薯較少食,所以覺得特色啲,此外,糯米糍糝上鮮椰絲及炒香嘅芝麻,味道寧捨天然鮮香。今晚大家都食得暢懷,對整晚嘅菜式,均認為頗有水準,再者,店子所處位置交通方便,價格又合理,依家或許只喺嶄露頭角,相信他日更上一層樓。個人評分味道:8/10環境:8/10服務:8/10抵食:9/10平均每人消費:HK$145餐廳資料:泰閣 Koon Thai Cuisine油麻地彌敦道483-485A號1樓2393 3068