(已結業)容記茶餐廳

容記茶餐廳 提供不同的小菜例湯 等等，家常小菜食物美味。炒飯湯飯蒸餸飯款式齊備，加上例湯是一個深水埗晚餐的好選擇 !以下係探險家《May姨blog》為大家作出既實地報導：「鴨 寮街搵食- 容記」原本打算到廟街食煲仔飯，比爸爸誘拐到鴨寮街搵食。他聽說容記的小炒不錯，早就想試試看。價錢平宜，真係單身漢搵食既好地方，湯飯、碟頭飯、蒸餸飯樣樣齊備。花多眼亂下，我點了紅燒茄子。正奇怪點解餐牌沒有素食項目，原來我就正正點了沒有放肉的一味。入面只得茄子條、冬菰及菜心。我雖大愛茄子，但對這碟餸一D好感都冇，那些冬菰實在太差了，反倒影響了食味，我情願你唔落。早知如此，就不點菜心炒鮮魷啦! 這碟亦沒多大驚喜，應該是我們揀錯餸菜吧。例湯是最有誠意的，很夠火路，豆豆已經好夠腍。加上淡菜吊味，滾燙非常，為之前的不足挽回分數。小小茶記，我是不會嫌棄的，會再試多一次，看看其他款式的小炒會否更好。