(已搬遷)許留山 Hui Lau Shan Healthy Dessert

許留山 在香港有多間分店，以售賣不同鮮果 甜品 及 糖水為主，同時亦有各類鮮果 飲品 ，不論在夏天或冬天都能找到一款合心意的 甜品 及 飲品。以下係探險家《山區麵包王》為大家作出的實地報導：「許留山 Hui Lau Shan Healthy Dessert：公朱同好（十五）」一向收到啲朱古力小禮物，都會公諸同好，不過，依份就有少少例外，因為喺榴槤朱古力，唔喺個個人都啱，出品仲竟然喺嚟自老牌本地甜品鋪許留山，而唔喺咩朱古力專門店，所以，今次無分俾其他人試，只留番我哋倆公婆食！榴槤軟心朱古力，寫到明採用馬來西亞D24榴槤，又喺馬來西亞製造，未食之前，都有少少期待。一盒有6粒，淨重70g，內裡嘅朱古力全部都喺獨立包裝，乾淨衛生。打開包裝紙，估唔到已有微微榴槤味散發出嚟，幾堅咁喎。用上50%可可成份嘅朱古力，可以視為黑朱古力，而入口朱古力部份幾濃香、幼滑，盒邊又講明不含人造色素及防腐劑，令人食得多份安心。朱古力中嘅榴槤軟心，都佔咗好大部份空間，絕對唔喺迤做，而且，軟心口感軟軟滑滑，榴槤味又夠突出，一啲都唔流。講到尾，都喺多謝食友嘅一番心意，知小弟鍾意朱古力，又鍾意食榴槤，就整依盒好嘢我嘆！個人評分味道：8/10環境：- /10服務：- /10抵食：- /10平均每人消費：HK$0（禮物）餐廳資料：許留山 Hui Lau Shan Healthy Dessert荃灣大河道88號灣景廣場購物中心永旺灣景店地下G06號舖2641 1338