避暑山莊

【避暑山莊】由青衣戲棚走到今天的實體店，是全港首創桶裝梳打，只此一家！外賣店由幾名年青人開設，主打「一袋袋」和「一桶桶」的飲品，造型特別之餘，飲品亦能自由配搭，於葵廣掃完小食後可以飲返杯消暑解渴。雪葩和沙冰則由小膠筒裝着，雖然望落比梳打少一截，但由於質地較稠密，加上不同配料，飲完都幾飽肚。點選雪葩或沙冰的話可配搭不同toppings，當中小丸子更是自家製作，食落煙煙韌韌，配幼滑的雪葩一流。