抱歉,發生點錯誤。
重新載入

爲保持穩定性及速度,建議在Wi-Fi或真。無限3G情況下,才上載圖片!

 

詳情
HK
分鐘
服務詳情
繼續預約

813

1評論人均$1-$100
電話:
付款方式:Cash
  • 評論
  • 介紹
  • 推薦

Be Fans Now!

登入/註冊後,成為商店粉絲後,即可自動獲得最新商店消息或優惠。

按此成為粉絲

成爲粉絲
點擊同意,即代表您已同意成為該商店的粉絲,且同意服務條款私隱政策退訂政策優惠政策
不同意
同意

介紹

813 位於葵涌和宜合道24號和宜合道熟食中心C13舖,是間充滿地道特色的茶餐廳,提供不同的特式小炒及碟頭飯。以下係探險家《山區麵包王》為大家作出的實地報導:「813:隱細小店」無睇錯,亦無打錯,喺隱細,而唔喺隱世。通常講隱世,喺啲不食人間煙火,藏晌深山之處,今次分享嘅食店,只喺隱蔽同細小,經過好幾次和宜合道熟食市場(星期日嘅正午時段),感覺總喺「靜蠅蠅」咁,其實裡面別有洞天,只喺旺晌晚市,而日頭呢?今日所見就只有兩家小店有開,一家賣齋菜嘅滿願福聚,另一家就叫813,點解叫813,佢個餐牌有講個由來。整個熟食市場一啲都唔細,外圍喺各間食店嘅鋪位,因為通道頗闊落,夠擺啲摺枱。而中間位置更可以放下多張大圓枱,所以,現場所見,有多摺枱、加大木板、膠櫈……等等,冷氣欠奉,但多把牛角扇,樓底又夠高,勝在夠晒通爽,喺唔少人嘅「地踎」回憶,況且地方又幾企理。從餐牌所知,813可以定性為茶記一間,有早餐、茶餐,其次就喺多款碟頭飯,20、30蚊一餐,極之經濟,主要都喺街坊客及附近學生。結果我同老婆揀咗兩款碟頭飯,已包埋足料靚湯或餐飲。XO醬雜菌炆米 $32見到有一欄寫住「自家製XO醬必炒之選」,非常感興趣,十多款選擇,款款都喺賣$32,要咗一碟XO醬雜菌炆米。兩公婆不斷摷吓啲雜菌晌邊,因為唔喺好覺得有「菌」,問問老細會唔會嚟錯,佢即刻解釋佢哋唔喺用一般街外常用嘅乜菇物菇,怕我哋唔識嘢仲拎咗碟嘢出嚟,就喺佢口中嘅白貝木耳(白色大塊)及奏沙耳(淺啡色細塊),用嚟切絲炒,口感喺爽爽脆脆,不過得好少;而自家製XO醬果然真材實料,既惹味,又鹹香,米粉炒得啱啱好,又唔會太腍太爛,好食,真喺一道好「隱世」嘅炆米!上圖兩塊就喺白貝木耳(白色大塊)及奏沙耳(淺啡色細塊)古法椒鹽骨飯 $31餐牌後有一堆廚師推介碟頭飯,見到有一款古法椒鹽骨飯,真喺想見識吓點古法?古成點?雖話椒鹽骨,其實喺豬扒,再「碎上」,啲豬扒佔滿自創嘅調味粉,入口頗辣,又有點點似七味粉,都幾特別,份量好足,都只喺賣三十零蚊,依個世道真喺抵到爛。奶茶叫碟頭飯已餐或餐飲,小弟例叫一杯熱奶茶,飲落唔算好滑,但夠香。餐湯喺鹹肉煲老黄瓜,熱辣辣,有份鹹鮮香味,夠晒聚火下氣。雖然鋪位細細,賣嘅嘢都好街坊,但估唔到有自家製XO醬賣,大嘅賣$98(200g),細嘅賣$58(100g),仲寫明喺送禮裝,雖然未見其真身,至少味道試過都有番咁上下。餐後同老細鄭生再傾開,最神奇喺原來佢哋仲會做埋私房菜,亦感受到佢做菜嘅用心,大牌檔嘅私房菜,有機會真喺想夜晚嚟一次。個人評分味道:8/10環境:7/10服務:8/10抵食:9/10平均每人消費:HK$32餐廳資料:813葵涌和宜合道24號和宜合道熟食中心C13舖5401 6807