抱歉,發生點錯誤。
重新載入

爲保持穩定性及速度,建議在Wi-Fi或真。無限3G情況下,才上載圖片!

 

詳情
HK
分鐘
服務詳情
繼續預約

Hello Kitty 中菜軒

25評論人均$261
電話:
付款方式:Cash
  • 評論
  • 介紹
  • 推薦

Be Fans Now!

登入/註冊後,成為商店粉絲後,即可自動獲得最新商店消息或優惠。

按此成為粉絲

成爲粉絲
點擊同意,即代表您已同意成為該商店的粉絲,且同意服務條款私隱政策退訂政策優惠政策
不同意
同意

介紹

全球首間 Hello Kitty 中菜廳 ,餐廳所有裝修都是 Hello Kitty 為主,傳統點心和小菜以Kitty圖樣的造型,充滿特色!以下係探險家《 大仁生活 》為大家作出既實地報導:「【中菜Hello Kitty】四大美人陪你食Kitty @ 中菜軒」Hello Kitty 又嚟啦!! 朋友P:「Kitty中菜館!Blogger你去唔去呀? 有靚姐姐影喎」 我:「去!!..無靚姐姐都去!!」位於佐敦的Kitty中菜館, 連我也估不到竟然會開在官涌市政大廈旁邊, (上次考健身肥佬之後都無再嚟過…), 朋友P:「都幾偏僻喎」…有網友懷疑這裡是「美X集團」經營, 店員回答:「唔係呀! 我哋老闆自己做架, 隔離間中藥館都係佢, 佢又有開老人院, 不過做中菜就第一次」哦!! 原來在自己店舖旁邊開業…(好呀! 多瓣數好!! 有機會成為另一個759集團, 即Melody賣中藥, 大口仔老人院…我諗到時我一定會留返個床位畀自己)今晚中菜軒好熱鬧, 人人也相機, 手機閃不停, 個個也開心到嘩嘩聲, 的確第一間中菜主題餐廳喎, 不如報紙介紹的靚姐姐店員…應該是模特兒扮成的喎…(我坐足一個鐘都唔見佢嘅?)玻璃窗, 燈籠式吊燈, 木枱木凳全部也有Kitty的「嘜頭」, 老實說, 裝修配合主題, 似十足日本的中華料理店, (即係香港人去日本, 一定唔會入嗰啲食肆!...啱晒啦…今日扮吓外國人入嚟試吓吖!)Kitty高度相等於5個蘋果, 重3個蘋果, 所以雞絲飯配蘋果理所當然, 今次加入蛋黃炒成的Kitty飯, 非常正!! 而且伴菜是整個蘋果上, 大紅大黃, 賣相好靚!! (一定要叫店員借把刀嚟, 分埋個蘋果嚟食, 不過個蘋果粉粉地…)菠菜汁蝦球Kitty飯, 如果沒有之前的比較, 這份健康之選應該不錯, 賣點就是傳統Kitty樣貌吧!! 真的只嘆一句:「珠玉在前」(阿太聽到我嫌氣一句, 迅雷不及掩耳之際, 一刀切開Kitty頭, 「嗱嗱林食啦…影得嚟都凍晒喇」…好殘忍呀!!殺貓頭的阿太)Hello Kitty馬拉糕, 我鍾意這個黑珍珠的造型, 簡直就是古天樂Ver, 不過, 我望了幾眼…點解我又覺得似三隻咖啡色小老鼠呢?馬拉糕是阿囝和我的喜愛, 阿囝邊食邊問:「眼係米朱古力嚟架??」 原來全部都麵糰, 只是鼻塗上甘筍汁, 鬍鬚及眼則混入墨魚汁製成. (係喎, 如果真係朱古力可能會更好食)流沙包是正常版本的Kitty外賣, 論賣相當然得意, 脹卜卜, 不過Size較古天樂Ver細, 其實, 我應該兩籠放在一起合照, 但因為我左影右影, 前影後影, 最終忘記了…真失策.流沙餡不太多, 不太甜, Kitty頭亦鬆軟, 如果大一點感覺更加好, 因為之前「大班」幫希慎制作的「叮噹豆沙包」, 都是$25一個, 但Size就是今次流沙包三倍, 當然兩者餡料不同, 不過今次流沙包售$62一籠.最後就是Hello Kitty蝦餃皇, 老套一句:「晶盈剔透」, 別人的蝦餃皇賣點大, 這裡的蝦餃皇賣點一定是細~緻.隔離枱的男士遲入場, 他在Facebook看到朋友上傳了吃罷Kitty蝦餃皇的相片, 於是坐下便問:「點解E三隻蝦餃同妳食嗰隻唔同樣嘅??」女友人答:「係呀, 因為個頭得一個囉…個蝴蝶留返畀你食啦」好彩我唔食蝦, 所以今次不用爭, 今晚申請將Kitty蝦餃頭吃入肚的是悅悅, 不過, 之後我問她, 全晚最好食的東西…她答:「黃色Kitty飯…」(蝦餃頭呢?? 悅悅只是搖搖又再繼續形容Kitty飯如何好味道喎…餐館來有一間廂房, 名為「林檎閣」 (即又係蘋果啦),  今晚好好彩,  沒有客人, 所以我們飯後就走進了房間不斷集郵.Hello Kitty化身中國四大美人, 真的不得不佩服設計者, 不過兩位小朋友好像對西tty,  Hello環, 王Kitty, 並沒有興趣, 他們愛扮飲宴, 扮上菜, 及轉轉盤多一些.房間好大, 放了張12人枱, 一老兩嫩還可以玩「音樂椅」, (好彩兩位小朋友無欽點我啫..好好彩呀!!)SY對旗袍Kitty毫無興趣, 好彩我還有悅悅這位小模特兒, 聞說Kitty捧著的大包, 店內也有發售, 包內藏有三個小包…(後知後覺的我, 結帳後才發現後面枱有家庭食緊…無緣一試)店員耀哥好好人, 除了主動協助我們拍攝外, 我對他說:「可否穿回外套與小朋友合照呢? 因為我見你外套有一個好靚嘅刺繡」耀哥:「好呀!」他即時回員工室取外套, 合照後又向我們解釋不同食物的特色, Nice到不得了.兩個家庭共吃了$540元, 大家猜猜我們告別Kitty後, 去了那裡?? 答案…過了文英街再去食點心是也. (因為六個人根本無食得飽, 又可能是我們太大食掛…)