抱歉,發生點錯誤。
重新載入

爲保持穩定性及速度,建議在Wi-Fi或真。無限3G情況下,才上載圖片!

 

詳情
HK
分鐘
服務詳情
繼續預約

(已結業)Hea Dessert Cafe

1評論人均$1-$100
電話:
付款方式:Cash
  • 評論
  • 介紹
  • 推薦

Be Fans Now!

登入/註冊後,成為商店粉絲後,即可自動獲得最新商店消息或優惠。

按此成為粉絲

成爲粉絲
點擊同意,即代表您已同意成為該商店的粉絲,且同意服務條款私隱政策退訂政策優惠政策
不同意
同意

(已結業)Hea Dessert Cafe介紹

HEA Dessert CAFE 以學校風格為主的cafe餐廳,大門口有一個跳飛機,塗改液畫花的枱凳,令你感受到校園的生活的情懷。以下係探險家《大仁生活》為大家作出既實地報導:「【塗改液畫課室】先生早校長早各位早 @ Hea Dessert  Cafe」阿太:「登打士街開咗間課室Cafe, 最啱你回憶幾十年前校園生活」仁老就想返老還童, 生理上不可能實現, 唯有靠現實世界配合. (正呀!快快Book位啦...唔該)結果打電話去訂位, 晚晚也爆滿, 直至要推到6日後的今晚. (乜咁多人要返老還童咩? 旺成咁??)大門口有一個跳飛機, 當年讀小學, 記得小息第一時間衝去小食部買條孖條, 含住孖條就走去跳飛機. (幼稚園學識跳的SY, 今晚係大門口不知跳幾開心) 原來之前這裡是酒吧, 三位年青拍檔, 於是約2個月前接手了這裡來做.阿文說:「我哋三個之前係甜品舖打工, 本來想開一間甜品Cafe, 但樓上樓下層層都是Cafe, 諗住要突圍, 就要攪一個大家最多回憶嘅地方, 咩會係吖? 一定係學校囉」這裡最賣點, 一定是免費派你一支塗改液, 你就可以畫枱畫凳, 即直揮毫, 點畫都得....老闆joanne:「因為以前學校唔畀畫囉, 我哋Cafe就準你犯規」SY不知畫得多興奮, 好彩他真正的書包沒有塗改液, 所以他明天返學亦不能有樣學樣掛??(晚晚用天拿水抺枱米好辛苦??) joanne:「我哋唔係晚晚抺㗎, 留一排先啦, 有客人話無位畫嘅, 我哋先抺囉」這裡有兩位同學侍應, 其中一位很似小丸子的野口同學, 因為她不動聲色的便會遊走整個班房, 有時兩位同學侍應又會自己隨歌起舞, 十分攪笑.這裡的卡邦尼意粉超好食, 如果份量多一點點, 應該會更加正.意式肉醬長通粉都夠入味, 但如果要比較, 卡邦尼好食多多聲. 其實, 我覺得今日食物已經不重要, 因為主題已經贏晒. 就連SY亦投入到, 以為真的在課室, 叫姐姐要舉手喎. (早知我唔同佢換衫, 著返件校服嚟啦!!)原味阿文早前走到台灣半年, 學做甜品, 這個原味心太軟, 就是他最有信心之作. 「我試咗2個月, E家調校到啱啱好. (我見你個綠茶仲靚), 信我...原味最好食. (我當然信你)SY食完一口, 大大聲:「我要食晒佢, 實在太好食啦」.(頭先又話飽..E家又可以食得晒全個心太軟)沒介紹錯, 心太軟的外層不會太實, 太硬, 內裡又多流心, 朱古力醬點士多啤梨, 一絶!!(你哋都幾有諗頭喎, 定係當年讀書抑壓得太緊要呀??) 阿文好雀躍:「我讀書玩得仲勁, 粉筆碎放風扇頂, 擺垃圾係門頂, 等阿Sir開門, 乜都玩...」(咁最衰你哋無掛牛角扇啫...)(你係米得一次創業呀?) 阿文笑笑口:「係! (成積有乜超出預期?) 都估唔到咁多人鍾意, 超出預期」(第二間唔知..你哋要Book 6日㗎, 大佬! 應該好快可開分校啦...恭喜晒!)地址: 旺角登打士街43H號登打士廣場5樓