|
哥登堡餐廳@土瓜灣
|
|
軍曹基地
2009-03-18
1048
0
|
分享
收藏
| 為食既隊長今日帶隊黎到山長水遠既土瓜灣搵食~~~ 二等兵大鄉里出省, 都唔知土瓜灣响邊樹??? @_@ 隊長你要帶返二等兵返屋企喎…… 雖然話山長水遠, 但係我地 6:30pm 左右都黎到喇~~ 黎到都只得一兩枱客, 座位任我地揀~~ 大約食到 7:15pm 左右啦, 就開始坐滿喇! 好啦, 睇下個餐牌先~~~ 睇完一輪隊長就鎖定目標…….. 隊長叫了這個鐡板餐~ 佢梗係照舊啦!!! 照舊即係咩?? 咪係什扒餐囉~~~ 不過好抵喎!! $58 既什扒餐有咁多樣餸: 豬扒 + 牛扒 + 雞翼+ 腸仔+ 煙肉……仲有蛋架, 跟飯 + $2, 有餐湯之餘, 餐飲仲可以揀紅豆冰, 涼粉什果冰同埋花旗參蜜!!! 本來二等兵想叫燒春雞鐡板餐架, 但係諗諗下都係要自選晚餐!!! 好抵呀, 頭盆 + 餐湯 + 主菜兩款 + 餐飲都只係 $50 咋!!! 估唔到仲有餐飽 tim 呀!!! 我地特登揀左一紅一白餐湯~~~ 呢個係二等兵既自選晚餐既頭盆 - 鮮果沙律~~ 略為酸左 dd~ 主菜揀左吉列石斑 + 雞扒跟薯菜~~ 你睇塊吉列石斑幾咁大塊!! 呢份係隊長叫既什扒餐, 因為唔想攪到成身油煙, 所以改為碟上~ 咁多餸, 碟飯又大碟, 啱晒隊長啦!!! 哈哈….仲有兩杯餐飲紅豆冰, 不過唔記得影相………..><” Total: $121 ($60 + $50 + 10%), 抵呀!!!
感謝 軍曹基地 提供以上資料 軍曹基地的網誌: http://keroxtama.blogspot.hk/
|
~END~
| 商店 | 哥登堡餐廳 Goteborg Restaurant |