|
日本九州自由行❤湯布院一泊兩食溫泉之旅
|
|
TINEHO
2014-07-03
2964
15
|
亂衝亂撞遊九州續集～！經過左個幾月既製作！ 終於都黎到介紹癲子於整個九州之旅的最期待的一個環節 就係黎到湯布院兩日一夜既溫泉之旅啦! 同上一次一樣有短片同文字版揀選~ 隨大家喜好揀選唔同既版本啦… 短片版本會比文字版詳細～！唔好錯過呀～！ 如果喜歡我地嘅VIDEO的話，除左可以俾個LIKE之餘，
仲可以訂閱我地既頻度，支持一下我地既製作～！ 我地會KEEP住有片更新㗎～！
【文字版】 黎到九州第三日，目的地係會喺湯布院觀光之外， 會到一間叫「御宿仙壽」既溫泉旅館一泊兩食 (一泊兩食 = 即係住一夜包當晚晚餐同第二朝早餐) 出發前旅館非常窩心，佢地透過EMAIL跟我地聯絡， 除了CONFIRM BOOKING之餘，更表示可以派職員到火車接我地， 於是我地就繼續善用九州五天JP PASS… 乘搭「由布院之森」列車由博多直達湯布院
左手邊就係我揀既「○△□便當」，而右手邊就係寶先生既鹿兒島黑豚肉便當啦 便當都整得咁精緻…基乎唔捨得食…(=_=)
一落車，喺已經有一個足湯俾等車既乘客可以邊等邊浸….(要收費的) 睇日劇同電影見到呢啲火車站，親身黎到日本睇，係比電視面睇更有FEEL
我地一早計劃好某啲指定地點要去既… 我地會由火車站做起點，望住由布岳....再沿住湯之坪街道一直行，
跟住路牌既指示 繼續沿住湯之坪街道向金鱗湖方向出發 行左都唔夠幾分鐘左已經黎到我地第二個預定景點「橡實之森」啦， 呢一度係以宮崎駿既動畫紀念品既專門店 中間更會以龍貓故事為主線，店舖裝修都跟動畫入面既好似添 完全將動畫中既景色於現實世界呈現出來 好FEEL到令人忍唔住咁…喺度勁影相…
幾經寶先生不斷的催促下，最終恨心地離開呢一個龍貓既世界 但係沿住湯之坪街道再行入去，基乎每一間特色店舖都靚得令人停下腳步… 終於都行到黎呢一度既地標金鱗湖啦
金鱗湖既個湖景會隨住唔同時間、陽光、角度而呈現出唔同既景色， 特別係湖面在夕陽照射下彷彿布滿了金色魚鱗般閃閃發光 真係好值得到此一遊
離開左金鱗湖之後，肚仔打晒鼓 我地沿路行入樹林 因為樹林入面有一個好有特色既CAFÉ等緊我地~!...呵呵 就係呢一間日頭係CAFÉ夜晚搖身一變變成酒吧既「天井喫茶」啦(晚上叫山貓酒吧)
呢間CAFE咁特別…就梗係點要黎見識下啦
佢叫得天井喫茶，最大特色就梗係同個天井有關啦~ 話說佢地係除左有一層主大堂外，仲將閣樓改裝成為一個雅座 而天井雅座另一個特別地方就係佢既送餐方法啦
當你點既餐完成後，待應就會將你叫既食物放到升降台，
再拉鈴鈴，示意食物要升上來（短片內有相關運送過程片段） 食物隨住升降台緩緩升到你面前，然後客人自行放上枱面 我地叫左一壼咖排一份餐牌推介既芝士蛋糕 除左環境同氣氛好好之餘，食物質素都係認真的超讚~! (大推介指數有5分) 食飽之後，離開前，將器具放回升降台，待應就會放繩降下升降台
除左天井，佢地其他位置都好有FEEL架`!
離開天井之後我沿返原路出返湯之坪街折返火車站， 途中經過BEE HONEY食返一杯旅遊書介紹既蜂蜜雪糕，
佢除左有雪糕之外，亦都有好多蜂蜜製品 味道都唔錯~!... 不知不覺得原來已經到左跟旅館約定既時間 我同寶先生即劇飛跑返去火車站會合旅館職員 再由佢地車我到去到真接返到我地今會既落腳地 - 「御宿仙壽」 御宿仙壽係我地係網上BOOK既一間有私人風呂既溫泉旅館 而我地住既呢一房都幾大間
嗱~!呢一個就我地間房既室外私人風呂啦
仲可以望到由布岳添~! 私隱程度都OK~! 記得浸之前沖好涼先呀… 出浴鏡頭留返俾佢啦~ YOUTUBE CHANNEL : www.youtube.com/BoTineVDO
之前文章 :
❤❤❤❤❤❤❤❤❤❤❤❤❤❤❤❤❤❤❤❤❤❤
只需☝點 click 就可直達平台（o^ ౪ ^o） 聯絡Tine/癲子 ✉: cocoho_1020@hotmail.com / cocoho1020@yahoo.com.hk 不時推介好玩, 好食, 來專頁跟我互動一下吧 (❛◡❛✿) : FACEBOOK : www.facebook.com/MyCupOftine
|
| 商店 |