(食) 茉莉茶館 Matsuri Tearoom...女僕CAFE? SeeWide

茉莉茶館 Matsuri Tearoom

話說完全未去過呢條街!
茉莉茶館係呢條街真係好特別

你一轉入去就會見到, 因為佢同其他地鋪真係完全2回事!
門口真係好令!!好吸引!

好彩我地入去時仲有張2人枱!
入面大約見到有2張4-5人枱, 2張2人枱,仲有BAR枱2-3個位
真係遲一步入去都要等位啊!

入到去先知道...原來職員都係女僕衣著!
每次落單送食物黎都會好有禮貌
仲會做女僕D動作,先是90度鞠躬，然後微微牽起裙子半蹲跪一下,我地見到都有D尷尬!
真係唔係好慣!

落完單,店入面寫左除左食物外,店內環境都唔係可以影相
噢...真可惜!入面整得好令架,好公主/貴族FEEL~
好岩女仔黎傾下計,不過記得有限時架!好似係90分鐘!
還有最低消費是每人一杯飲品, 食物不計的!

我地點左芒果雪糕鬆餅
一支蘋果味啤酒, 一杯茶 (忘記了名字XD)

蘋果味啤酒...估唔到幾好味

扮晒野XD

芒果雪糕鬆餅

其實上面個粒唔係雪糕黎既, 係芒果雪芭XD

真係比較酸(女僕有介紹會比較酸)

再加上超級多芒果肉, 超級豐富!

加埋PANCAKE一齊食!!太美味喇!!

推介!

其實茶壺茶杯已經開始有漬, 所以不太討好!

茉莉茶館 Matsuri Tearoom - 旺角甘芳街1-7A新萬利大廈地下C舖

~END~

商店	(已結業)Matsuri Tearoom

小龍2014-07-17 14:26:21	+ 追隨	舉報
好特別喎，全店都係女僕既衣著，我都未去過呢D餐廳哈～不過我就一定唔會帶小龍女去

回覆私人訊息

秋之風景寫真站2014-07-18 01:52:51	+ 追隨	舉報
尼li度T, 相信唔使偷偷地 ge, 不過唔好比小龍女知, 唔偷偷地去, 咪靜雞雞去lor, 小龍一於擇吉日出發lu
原文由小龍於2014-07-17 14:26:53發表哈～最多偷偷地，約秋兄一齊去
回覆私人訊息

小龍2014-07-18 15:57:37	+ 追隨	舉報
唉～雖然我都好想好似MIKOBB咁去見識下不過，無論偷偷地去，定靜雞雞咁去，我都好驚小龍女發現不過，唔去，又好似我同事成日咁講，無左個霸氣，折衷一下，我地照去，吉日都定好，就2月30日去啦秋兄，不見即散呀
原文由秋之風景寫真站於2014-07-18 01:52:51發表尼li度T, 相信唔使偷偷地 ge, 不過唔好比小龍女知, 唔偷偷地去, 咪靜雞雞去lor, 小龍一於擇吉日出發lu
回覆私人訊息

秋之風景寫真站2014-07-19 00:14:58	+ 追隨	舉報
咁都好wo, 一於大鑼大鼓, 日光日白去, 就算比小龍女知都唔怕, 一於宣洩下男性威嚴, 吉日就跟你簡定果日, 就2月30日去啦, 小龍你一定要來, 我會包起個場招呼你ga la
原文由小龍於2014-07-18 15:57:37發表唉～雖然我都好想好似MIKOBB咁去見識下不過，無論偷偷地去，定靜雞雞咁去，我都好驚小龍女發現不過，唔去，又好似我同事成日咁講，無左個霸氣，折衷一下，我地照去，吉日都定好，就2月30日去啦秋兄，不見即散呀
回覆私人訊息

小龍2014-07-19 17:35:00	+ 追隨	舉報
好感動呀秋兄為左我，竟然大鑼大鼓，包埋個場咁去咁我地不如就改為下星期六去啦
原文由秋之風景寫真站於2014-07-19 00:14:58發表咁都好wo, 一於大鑼大鼓, 日光日白去, 就算比小龍女知都唔怕, 一於宣洩下男性威嚴, 吉日就跟你簡定果日, 就2月30日去啦, 小龍你一定要來, 我會包起個場招呼你ga la
回覆私人訊息

秋之風景寫真站2014-07-19 21:08:08	+ 追隨	舉報
改期... 唔得 la, 佢剩係比我在2月30日包場
原文由小龍於2014-07-19 17:35:00發表好感動呀秋兄為左我，竟然大鑼大鼓，包埋個場咁去咁我地不如就改為下星期六去啦
回覆私人訊息


(0)	(0)	(0)