忽發奇想, 不如來一個主題Cafe大比併, 話說6月和7月間, 本港突然連續開了三間主題餐廳, 最愛四圍遊, 更愛卡通人物的我, 又怎會錯過與Hello Kitty, Melody & Kuromi 及 Kumamon會面呢!

三間之中, 只有位於大坑的Hello Kitty 秘密花園是長期作戰的, 其餘My Melody & Kuromi Pop-up Cafe會由7月14日營業至9月14日, 變身熊本熊Kumamon的 WIRED Cafe亦只期間限定由7月22日至8月31日. 如果你是熊本熊粉絲就要快快朝聖啦, 因為只剩半個月咋.

三個主題Cafe, 最有日本Feel的一定是大坑安庶庇街的Hello Kitty Secret Garden, 自成一角, 很有日本代官山的感覺.

食物當中, 這裡有最煞食的Hello Kitty頭形太陽蛋, 只此一家, 暫時未見本港其他食肆出現過. (雖然隻黃效果會更似Kitty)

媽媽雜菜湯內又有特色KITTY通心粉, 甜品則有白朱古力小Kitty伴你吃朱古力, 算是最多不同主題特色驚喜的Cafe.

至於拍攝景點, 3D女僕Kitty坐鎮大門口,單車...

門牌, 郵筒, 大蝴蝶及連木枱木凳也有Kitty, 亦是三間中提供最多「呃Like」機會的Cafe.

沒有錯...可愛Kitty真遍佈全店, 小盆栽, 糖、鹽小樽一樣有.

店員阿華向我們推介:「秘密花園漢堡~我哋有牛同豬兩款, 自己覺得牛好味啲, 我哋啲肉幾腍而且係加入和牛.....All Day Breakfast都好多人叫, 真係都幾飽架」

Cafe是三間中面積最細的, 只有20個座位, 當晚我們排了個半小時, 才能入座. 三間Cafe中, 只有Kitty的咖啡墊是不能免費派送.但環境氣氛好童話, 好開心.

在朗豪坊的「My Melody & Kuromi Pop-up Cafe」是三間中提供最日式食品的一間, 餐廳的「午餐」, 「下午茶」及「晚餐」大至相約, 份量多一點的晚餐, 價錢當然最貴, 而個人覺得午市最抵, 因為可以用較便宜價錢, 吃到同樣的內容, 不過, Cafe沒有單點食物, 全部套餐供應.

三間餐廳之中, 最多食物選擇的就是這裡, 原因是本來這裡就是一間名為Ishiyaki+café的餐廳. 本來欠缺賣點,現在直至9月14日相信每日也人山人海.

餐廳除了大門口提供一對Melody 及 Kuromi 3D Figures外,  餐枱亦設計了不同My Melody 及 Kuromi 的樣子的餐枱, 而且店內更提供多達6-7隻不同造型的Melody毛公仔給我們集郵, 認真細心.

食物方面沒有Kitty Secret Garden的小心思, 只有甜品才有Melody 或 Kuromi用朱古力粉舖成的頭像, 而主餐則每款均附上一個Melody 或 Kuromi的小旗幟.

Cafe食物質素不算差,開開心心才見偶像, 所以要求不能太高.

想看多一點Melody, 點選班戟吧, 班戟面上多了兩個 My Melody 頭像, 加上有我最最最愛的忌廉做餡料, 我當然非常鍾意, 不過有女食客看到我的甜則有少少質疑:「嘩!好似好多CREAM, 會好肥嘅...」

每位女店員的黑色圍裙上也掛了四個Melody 襟章, 一問之下原來是非賣品, 於是好人的店員姐姐不介意給我多拍數張照片留念. 其實我好想儲就真.

而期間限定時間最短的就是銅鑼灣希慎的Kumamon「熊本熊」WIRED Cafe. 這亦是唯一一間可以提供電話預訂服務的一間, 不過聞說訂座已排期到8月尾, 所以大家可以嘗試Walk-in等等位.

三間主題Cafe中, 以「熊本熊」這間可以拍照的地方最少, 只有Cafe門前的唯一一隻3D部長. 

店內比較暗, 可能是用來配合Kumamon身體的顏色. Cafe有不少食物提供, 但有關Kumamon的只有KAGOME茄汁熊本蛋包飯, 沙津及熱香餅.

Kumamon飲品有由周麗淇代言的Kagome 蕃茄汁, 及拉花Latte.

嚴格來說這裡只有熱香餅才被印上熊本熊的大頭印, 其餘的兩款食物也只是用Kumamon的餐碟盛載而已. 熱香餅勝在醬料供應齊全, 如果可以多加一球雪糕, 小朋友及我一定會更開心.

阿太說:「好食喎...真係又鬆又軟,好食過Melody Cafe多多聲」

不過這裡點選Kumamon限定食品, 餐廳就會送上限定小襟意, 加上我們向店員要求杯墊, 他們竟然找來不同款式:「有好多款架, 我都唔知齊唔齊, 畀晒你哋啦...」哈!! 這是最多小禮物的主題Cafe.

最後送上三間Cafe的主題拉花, 大家可以比較一下那間的師傅手勢最合你心意. (拉花定輸贏, 一眼睇得出, 高下立見)