宜家係香港打邊爐真係好幸福,好多火鍋店都做得好出色。每間都有自己既強項,我地做消費者就可以根據我地自己既喜好去選擇。大角咀、堅火鍋,裝修好靚好特別,但鋪就好細,我諗都係BOOK定先去會穩陣好多。
從呢個擺設到個電子爐再去到個煲,都可以用個堅字黎形容。特別係個煲,老細講係要3千幾元一個,如果我冇睇錯既話,個牌子係STAUB,堅堅堅!
堅火鍋出色既其中一項就一定係個湯底,個MENU就只係見到得個幾款。但原來你可以預早搵老細幫你另外做個湯底。今次就試左個花雕雞鍋,老細會係你面前倒花雕去隻雞到,聞一聞,香到呢......! 原來老細係用五年既陳年花雕酒,我叫左老細俾杯我飲,好純好純...堅! 個湯底係用雞去煲,有住家湯風味。
另一項我覺得好出色既就係佢既牛肉,老細係用厚切既形式切出黎,牛味重,有口感,你唔好見佢碟牛肉好似好細碟就未食完就叫多幾碟。其實係好飽架!
新進口法國蠔,叫泡泡蠔,有些CREAMY同爽口,試下冇問題,但食蠔都係叫OCEAN3算把啦,又平又多。
海鮮船,有鮑魚、海蝦、蠔、龍蝦、聖子、花甲。
芝心丸
墨魚滑
雜菜
冷豆腐
泥鯭
牛展
魚鰾
堅火鍋
大角咀鐵樹街4號地下
TEL: 3998 3128
============================================
感謝 龍人遊記 提供以上資料
龍人遊記的網誌: http://dragonman-t.blogspot.hk/
============================================
|