抱歉,發生點錯誤。
重新載入
真人冒險遊戲 - 如果派 試玩報告
捌拾後-DY
2014-03-06
865
1
分享
收藏

說真的,由YAHOO BLOG 搬家到BLOGSPOT 之後,寫BLOG 的動力減弱了,
可能YAHOO BLOG 比較像一個團體,BLOGSPOT比較像一個個體,
人在荒島自然會失魂落魄,但最近,捌拾後DY再次收到公關的電話,才驚醒自己的博文重有讀者留意的,就係呢個原因,我決定重新整理呢度,重拾寫文章既樂趣,大家記得多多支持!!



如果派 - 真人冒險遊戲

逃出遊戲玩得太多,由最初被鎖起個密室入面,要解謎逃脫 ; 到逃出遊戲加偵探元素;
真係諗唔到重有咩野可以加入去,而且逃遊戲愈開愈多,獨特性開始減少,對呢類遊戲既興趣亦隨之下降。但好在,MR. ESCAPE 佢地有自己既專業設計團隊,不斷加入大家意想不到既新元素,令玩家每次試玩都充滿驚喜,所以去之前都充滿期待。

如果派有別於一般傳統逃出遊戲,首先範圍大左好多。如果派共有63個遊戲,每個遊戲各佔2層,大家既遊戲範圍唔再局限係單單一個密室入面,而要係2個樓層當中唔同既關卡裡面接受不同任務,過完一關接一關,以收集積分去計算玩家成績。而且,傳統既逃出遊戲,你一解唔到一個謎團,你就會企左係度,被迫困獸鬥,但如果派就唔同,每個關卡都有時間限制,一個任務失敗左都唔會影響下一個任務。


首先介紹下3個遊戲故事背景




如果大冒險


近日世界各地天災接二連三地發生,太平洋海底多處亦有地震,沉睡多年的富士山突然爆發、陸沉加速令所有低窪地帶隨時被淹沒,地球快將毀滅!

與此同時,早前被人類發現的百慕達海底水晶金字塔忽然無聲無息地浮上了海面。有傳這金字塔與消失的文明-亞特蘭堤斯有莫大的關連。

當你還在
沉思當中關連時,你的特務手錶已經浮現出new mission,而你的新任務就時探索這神秘的遺址!但原來等著你的,是一個危機四伏、機關處處的冒險!


Mr. Vampire

傳說1433年的羅馬尼亞,住了一個以鮮血為食的吸血鬼-德古拉伯爵。

一天晚上,伯爵外出覓食時,在橋頭上發現了一名少女,正當伯爵想咬少女以吸取鮮血時,少女卻即場被嚇暈。伯爵隨手抱起少女,突然時間慢了,莫明奇妙的感覺出現,伯爵很久沒跳的心、竟然開始跳動起來。

不知所措的情況下, 德古拉伯爵決定先把少女帶到古堡安放在水晶棺木之中。但少女原來是村長的獨生女,她每天透過雀鳥,寄出地圖和伯爵的生活習慣,希望有日她能得救。終於,你與其他村民發現紙條,為了解救少女,你們要於伯爵作息的一小時中,把少女救出...




黑章任務


這是一個絕密關卡!勇者們,你必需成功挑戰《如果大冒險》或《Mr. Vampire》才能開通這個秘密任務!

某個月黑風高的夜晚,事情忽然就發生了。你走過一條暗巷,發現到一個垂死的男子,好奇心的驅使下,你走近了他.那人用最後一口氣把手機遞給你,你自然地接過他的手機,竟看到很多機密的內容和畫面。

你還未來得及反應,手上的電話就突然被子彈射中,旁邊再有幾下槍聲,你立刻本能地狂奔,往小巷越走越深.忽然頭部受到一下重擊,你矇矓看到了一個黑影,之後就再無印象,醒來後發現自己身處在一間黑房內,手上被鎖上手扣。

你被捲進了一個驚世的陰謀之中...




如果派入口比較隱蔽,位於旺角百老匯戲院轉角街口,ADIDAS旗艦店旁邊





3GAME 都有各自既接待處,而今次試玩左2GAME,分別係<如果大冒險>同埋<黑章任務>,不過記住<黑章任務>係一個絕密關卡,大家必需成功挑戰<如果大冒險>先可以開通這個秘密任務




親身體驗過後,個人覺得如果派比傳統逃脫遊戲好玩好多倍,
首先唔洗困獸鬥,一關失敗後都可以繼續前進,
而且遊戲有大量機關,互動性大增,玩家除左要動腦筋,手腳都要動起來,而且玩家既合作性同樣好重要,令整個遊戲趣味性大增,成班朋友玩一流。
今次就冇係遊戲入面影相比大家參考,只係於指定拍攝區拍照留念,但睇相都知參與其中的大伴兒玩都得十分盡興。


個人而言,之前既逃脫遊戲介紹朋友係因為新鮮感,抱住香港都冇野玩KALA,冇野玩一試都冇妨。但今次玩完如果派之後,真係要介紹大家玩,因為關過關既感覺好過癮,好似代入左遊戲機D角色咁(感覺有D似 The Legend of Zelda 薩爾達傳說),要諗方法過關之餘,又要諗辦法攞多D分數寶物,真心推介大家試玩一下。不過想玩一定記住要預約,因為都幾爆下。


如果派

地址: 九龍旺角豉油街21號C 6 -11樓全層
開放時間: 星期一至四及日 12PM - 1AM
                  星期五及六 12PM - 3AM

電話: 2332 7737


想知道更多如果派既資料,可以到佢地官網瀏覽

如果派官網


想知道更多唔同既新資訊?! 咁就要LIKE 一下我個FACEBOOK PAGE喇,

果邊既更新會快D 同密D KA,多多支持~




============================================

感謝 捌拾後-DY 提供以上資料

捌拾後-DY的網誌: http://post80sdy.blogspot.hk/


============================================

~END~
商店 (已結業)《如果派》真人冒險遊戲 If Pie Reality Game
特搜總編E2015-01-28 17:48:25
+ 追隨
舉報
恭喜!經過「SeeWide評審團」一致通過,你的發佈已被選為推薦攻略!你將獲得200經驗值作獎勵!
回覆