02 MAY 2009 (SAT)

原本今日我地PLAN好左去濕地公園睇吓蝴蝶同綠海龜。不過都係我唔爭氣，仲有少少頭痛，大肥豬話為免我搭遠程車，所以就話等我精神啲先再去過。

不過，今日陽光普照，唔可以浪費一個咁好嘅天氣，最後大肥豬就建議帶我去彭福公園影吓相啦！

講起彭福公園真係有個情意結，因為係我細細個嘅時候，每年嘅年初三我地一家人細加加埋埋都有十幾人，遊新界嘅活動都必定去依個地方，最後隨住爺爺不在世就冇再去。

可能之前係細細個去，所以個公園嘅印象都冇乜。當大肥豬講話去，我地好有期望，仲滿心歡喜咁出發。

原來入彭福公園係必經沙田馬場。

嘩...我地係第一次入馬場，所以就影番張相留念先~

雖然我地都唔賭馬仔，不過大肥豬話有機會就搵個賽馬日入場感受吓個氣氛。哈哈...

當步入彭福公園，都發覺唔對路，有好多人帶埋大大細細嘅狗仔去玩，有啲狗仔仲走來走去，越行就越見多狗仔，終於知道原來依家彭福公園已經變左成為狗公園啦！

唉...都真係幾失望，有好多比賽靚嘅地方都已經俾狗仔們霸佔左，所以我地都冇乜心機影相，隨意搵幾個位影相。

好在大肥豬都有幾張相影得我幾靚，不過就因為冇心機SET腳架，所以冇得影合照添~

對於膽少嘅我，真係越行越驚驚，所以係個公園留左一個鐘多少少就走啦！

============================================

感謝 小肥豬 提供以上資料

小肥豬的網誌: http://kinseymama.mysinablog.com/

============================================