5 OCTOBER 2011(WED)

前幾日天氣都唔係咁好，所以小小豬都冇出過街。見今日我地放假加上個天氣又幾好，所以帶小小豬去吓街街啦！
 
我地近近地過左太古城行，去得太古城，當然要入玩具反斗城倒亂一番啦。睇吓依個小小豬，好似想自己揀玩具咁呀~

我地入去當然唔係只係倒亂，我地都有幫襯呀。原本係想買上次老師介紹嘅油彩，不過冇得買，最後就買左一盒同牌子嘅蠟筆，俾小小豬畫住先。

依個牌子我上網睇過，都OK幾好，見好多媽媽都係買依個牌子俾小朋友用，加上又話經過所有安全測試証明，最好就係老師介紹過，我都好安心咁買。 不過講起買蠟筆，真係都有啲唔開心呀！

事緣我係反斗城用左$64.9買左盒蠟筆~

之後我地去行APITA，見到完全一樣嘅蠟筆，都只係賣$32.9(唔係做特價)，見平成一半，所以大肥豬都話買多一盒~

就係咁..小小豬就多左兩盒蠟筆畫公仔啦~

嘩.....真係覺得好誇張，同一樣嘢係唔同地方可以貴咁多。其實都明白每一間公司都有佢地商業原則，都明白佢地係要賺錢，不過貴左成陪好似又狼左啲哦。依家真係對玩具反斗城冇乜信心，都係少啲去佢地度嘢啦！

============================================

感謝 小肥豬 提供以上資料

小肥豬的網誌: http://kinseymama.mysinablog.com/

============================================