一年容易又中秋, 難得今日可以放早, 當然一家三口來一個Pre-中秋慶團圓. 今晚我們揀選浪漫到不得了的PMQ. 

無錯!! 再次PMQ. 因為今年PMQ有一個氣氛十足的中秋賞燈會.

中秋賞燈會一定要入夜來才夠迷人, 因為有某電池牌子贊助, 所以, 由今日起至追月夜, 整個PMQ都會掛滿大紅大綠的特制燈籠.

而今次最主要吸引我來的原因, 就是贊助商於2樓設了一個燈籠工作坊, 繪畫, 剪貼最合阿囝心意, 而且最重要當然是免費任玩.

工作人員好好人, 本來收工也講解紙燈籠的制作過程, 「橋妙」之處, 及等我們上手後才收工, 真的不好意思.

阿囝不知做得多開心, 不停畫畫畫, 愈畫愈興奮. 本來我想叫阿囝畫快一點, 因為怕Snap Booth 自拍印相服務又收工. 但攝影哥哥聽到我講答:「慢慢, 唔駛心急, 我收11點, 大把時間, 最緊要整靚啲個燈籠」

終於再等5分鐘, 阿囝的燈籠大功告成啦!! 我們就走到 自拍機前, 揀道具, 玩自拍. 哈!! 哈!! 三款相框, 我們揀了兩款, 費用當然又是免費!!

除了有電郵寄上相片外, 當然還有實物原相!! 

Yeah!! 好玩, 不過中間可以轉道具的時間只有10秒, 太短啦!! 次次我們也趕不到望鏡頭呀!!

除了2樓有工作坊外,  地下草地更加有Live Band表演,  今晚由歌聲十足陳慧孄的阿Ming姐姐座鎮.

全部都是我的年代歌曲, 許冠傑心裡日記, 周慧敏最愛, 張學友愛是永恆, 加上地上紅紅綠綠的燈籠, 忽然感覺PMQ充滿住愛情, 充塞住浪費, 充斥住無限溫馨. 而阿囝更聽出耳油, 不停伴舞.

阿Ming答應下次有機會見到我, 一定會唱花店我聽, 不過她原來只表演8月30日 及 31日, 之後 9月7日 , 8日, 9日 則由另一位歌手演出. 無問題, 有緣再見吧!!

今晚, 中秋節的頭炮節目非常正!! 三口子齊齊開心又滿足地, 哼住「願心中那日記隨年變厚, 而當中的角色從無分手, 齊編織歡笑聲和諧詩篇, 為彼此抹掉愁是暖的手」, 慢步回家.