香港公園半日遊~ SeeWide

有一段時間冇周圍遊走, 趁住有重陽節補假, 於是決定去香港公園逛逛, 好耐未去過啦~~

此行的另一目的, 是去觀鳥園看雀仔~~

行了一段斜路先到門口~~ 它的對面仲有一個雀鳥觀賞區, 不過那裡的雀鳥都是用鐵籠困住, 套用老公的說話, 牠們呆在入面好久, 幾乎沒有一點生氣, 還是入去觀鳥園較吸引, 可以近距離觀鳥~~

雖然是公眾假期, 幸好不算好多人~~ 很久沒有行過這條步道了~~ 有樹林環繞, 很舒適~~

真係好似去了一個小小的熱帶雨林~~

小橋下還有流水哩~~

入去不久已經見到第一隻雀仔在樹上~~ 因為康文處的單張資料不是很齊全, 不是所有雀鳥都知道名稱......不過就咁睇都好開心~~

這隻是黃臉樹八哥, 雀如其名, 好似戴了一個黃色面具~~

個人很喜歡這隻, 牠是長冠八哥, 白雪雪好吸引, 而且識得唱歌, 又是瀕危物種~~ 不過牠們飛得好快, 好難影架~~

剛好影到一隻在食粟米的爪哇禾雀, 顏色都好特別~~

牠們好鍾意食粟米, 後來影到幾隻一齊食粟米~~

悠閒地坐在樹上的, 可能是紅腹錦雞~ 不過牠是雌性, 所以毛色不算漂亮~~

遙望下面的步道 (工作人員才可進入的地帶), 原來都有雀仔可看~ 牠是紫胸鳳冠鳩~~ 頭頂的"鳳冠"幾靚~~

它可能是橙腹葉鵯, 不過飛得好快, 只係影到背脊~~

呢隻啡色的不知是什麼?~~

呢隻體型都幾大隻, 唔係又係咩呢? 都幾可愛架~~

入面的鸚鵡都好可愛~~ 出其不意就會飛到欄杆上, 吸引大家的相機和目光~~

呢隻就食粟米~~ 隻隻雀都食過, 好多口水尾~~~

顏色好鮮艷~~ 漂亮~~

牠們還有一種奇怪的活動, 就是表演爬欄杆~~

真係好高難度, 大家當然即刻影低~~~

Gel頭雀都好得意~~ 有d似白鴿~~

原來近出口、望下去的小池, 仲有翹鼻麻鴨~~ 如果可以近點看就好了~~ 可惜單張上話有的塘鵝就見不到了...

睇到間觀烏園都話要關門, 依依不捨之時, 就有隻鸚鵡歡送我們了~~

除了觀鳥園, 還去了茶具文物館行了一會~~ (借用東方日報的外觀圖~)

3年前曾經偶然參觀了它的導賞團, 可以行入去走廊同特別室, 可惜當日去到已經再沒有周末的導賞了, 只有不定時的團體及親子導賞團~ 這張相已經是3年前在2樓走廊拍的~~

從走廊看下去才拍到這個角度哩~~

唯有參觀入面的茶具展覽~~

這天都不算很多人, 行得好輕鬆~~

又可以看看展板~~

每間房除了展櫃, 都盡量保留原本的樣貌, 例如有壁爐~~

香港其實好多有創意的藝術家, 那些陶藝作品各有特色, 很值得參觀及欣賞~~

悠閒的一角~~

但這次最特別的是, 原本讓人看參考書的一角, 竟然變成"茶餐廳", 整得幾靚架~~

最後想同大家分享的, 是第時大家來香港公園, 記得看看山上/花叢後面是否有"神秘的樓梯" (紅圈示), 當年的導賞員說, 它們是通往防空洞的樓梯, 唔知係咪真係有人用過呢?~~~

============================================

感謝 helenhlblog 提供以上資料

============================================

~END~

商店	香港公園 Hong Kong Park


(0)	(0)	(0)