今日同悠悠去參觀將軍澳天主教小學

一入去我同悠悠就分開

小朋友去試堂,聽故事,玩遊戲

家長就進入禮堂...聽足足兩小時既講座 ZZZZ

其實依間唔係我考慮既小學

只係其他學校都星期六開放

星期六我要返工.得今日就到時間

就帶悠悠去參觀下小學,玩吓囉

點知原來我唔係同佢一齊玩既...要去聽講座..救命~~~

捱完兩小時後,仲要尼個答問環節

我見有家長都走人..我都去帶埋悠悠走人去食午飯了

食完午飯,諗起上網見過將軍澳中心有間Wafffle

Waffle係賣飛佛..於是走去試下

門面唔大,但感覺都幾吸引

一係到去,見到有好多留言,花花碌碌既

睇下有乜野食

基本Waffle底有三隻味,原味,有朱古力味同唔記得左乜野味

然後就自選配料,有水果呀,忌廉呀,朱古力等等等

我就擇左朱古力Waffle底,加忌廉同香蕉

姐姐好好人咁幫我唧左啲朱古力醬

一共36蚊..都有啲貴呢...

Waffle底熱辣辣

配上香蕉同凍冰冰忌廉

都幾好食...不過佢既Waffle係軟既,唔係脆架

食完野,悠悠又想去畫畫

佢仲同個個姐姐好鬼好傾添...