抱歉,發生點錯誤。
重新載入
出街食- MUM
Mary
2013-09-01
766
0
分享
收藏
今日初一, 又係食齋既大日子, 公司附近開左一間veggie cafe, 主打organic, 於是同同事去踩下場試試D野食。


先黎既係我既飯糰套餐,兩舊飯糰係唔同味, 一舊裡面係豆泥, 一舊係日式裡面有類似海帶咁既野。
但反而重點係底下的配菜, 條狀個款豆, 面係紫菜碎,以我平時唔中意食豆都覺得好正!
仲有個舊豆腐咸咸地係鬼佬豆腐, I like it!點知寶物尋歸底, 最底有醃青瓜, 同埋好味到嚇死人既醃海帶, 我估係用海苔醬去醃, 搵日自己要試下醃!

跟住係同事既意大利粉, 我唸都OK好食, 因為同事都食到照晒鏡(見到碟底)


呢個係每一個餐都會有既湯同埋前菜, 我既係番茄湯, 同事既係南瓜湯, 是水狀的, 不是一般杰杰的西湯, 但出奇地超級濃, 還會見到番茄皮, 好新鮮好好飲!看我的碗係古代食白粥的碗, 超型!為左配合呢隻咁型既碗我都不必懶斯文, 直頭舉碗一飲而盡!飲勝!
而旁邊的小食係甘荀絲+牛蒡絲, 味道係平時食"橡筋"既味, 即平時酒樓燒味部那些"海節"..GOOD!


如要水或荼自己攪惦, 同事話D菜係有D花椒以角味, 話幫助消化之類, 我就只係飲左水, 側面係一D自家種的香草同埋番茄仔!
呢個係其中一個出入口, 好中意佢D裝修, 好 casual好舒服, 我坐緊張椅係好似教堂個D, 張張椅個個碗都唔同樣, 好似REUSE咁!好正!


呢個係佢張桌子, 超舊樣, 其實面頭有玻璃!

總括來說呢間係一間好有heart既小店,食物健康,坐得舒服, 有忙裡偷閑feel!我一定會再幫襯!
MUM

地 址 :
竹坑香葉道2 號 One Island South 地下G07

電話 : 2115 3348



感謝 Mary 提供以上資料

~END~
商店 MUM Veggie + Coffee + Sweet