首嚐咖啡弄 SeeWide

去年已經不斷有朋友去香港新開嘅咖啡弄，但每一個都要排上一個鐘或以上，這令我一再卻步。終於等到佢响尖沙咀開分店，又見到朋友話如果一個人去食，可以唔需要等咁耐就可以入座。

星期六下午就膽粗粗去試一試，但眼見條龍已經排到落樓下，等咗一陣都未見有前行嘅動靜，最後決定放棄，另找地方醫肚。

當然我唔會真係放棄啦，星期日我响佢未開店就去排隊，但去到時又係一條長龍，但都繼續堅持下去。到正式開店時間，一輪衝風入咗一大批人，但之後就再無動靜。開始聽到有人話要等一個半鐘先有得再入，亦有人相繼離去。當我懷着希望有奇蹟出現嘅時候，有餐廳職員問我幾位，之後就話我可以上樓入座。。。Yeah，成功了。

入座後，即時點咗我一早已睇中嘅食物，雖然好想食窩夫，但一個人真係食唔到咁多。所以只係要咗每日限定嘅玉米里肌起士可頌（Corn Cheese Croissant Sandwich ）同埋冰柚桔茶。

份 croissant 真係超大份，而見到 croissant 上漏哂嘅芝士都真係有啲擔心，但慶幸佢嘅芝士味唔係太重。如果啲芝士太漏的話，真係怕自己會食唔哂。鬆軟嘅 croissant 夾住大大件嘅豬里肌、蕃茄、生菜，面層仲舖上脆脆嘅煙肉碎。好好食又未至於，但味道算不錯，可以一試

酸酸嘅冰柚桔茶，大約可以斟六小杯，絕對可以令大家開胃，繼續吃下去。

============================================

感謝事頭婆提供以上資料

事頭婆的網誌: http://pamdinningtable.blogspot.hk/

============================================

~END~

商店	咖啡弄 (尖沙咀店)


(0)	(0)	(0)