[慶生飯局] 我的好姐妹Karen快樂飯局 • Bigpack Cafè 派格餐廳
8 AUGUST,2014
YO~ 八月飯局真係好多好多丫~ 先黎我好姐妹生日喇~ 難得我地相約一齊見面傾下計好開心, 今年我地見面見多左呀~ 大家都就到時間~ 好開心呀 ! 我每次有飯局之前都會通知定老公佢今晚食自己~ 哈哈~ 要自己煮麵, 反正都要講聲既~ 我老公都忍唔住問, 點解你D朋友成日約你, 我話我都唔知, 但好多都好耐無見, 唔見唔得, 好掛住大家, 要見面傾下計~ 哈哈哈 ! 我諗諗下我知我多左咩朋友, 係我班舊同事, 以前日日見, 呢加各散東西~ 一見面又講唔停, 所以又多左D朋友食飯咁啦~ 哈哈 ! 只係今個月見多D~ 下個月休息下啦~ 重點係佢無左個煮飯婆呀~ 哈哈哈 !
講返今晚先~ 我地去左旺角波鞋街NIKE樓上既 Bigpack Cafè 派格餐廳, 真係唔睇唔知有餐廳~ 一上到去感覺都幾好~ 環境幾舒服 ,係嘈左DD~ 不過傾計都無問題 ! 原來呢到都有芝士火鍋食架, 仲要用LC煲~ 好靚靚~ 哈哈 !
地址: 旺角花園街76A號3樓 (旺角波鞋街NIKE樓上) 電話: 2388 5408
餐廳用木既擺設, 感覺好溫暖~ 感覺好岩食芝士火鍋 ! 哈哈
等朋友仔到齊就可以ORDER喇~
LC~~ 好吸引喔~
先來一客welcome bread~ 普通頂頂肚先~
煙三文魚凱撒沙律 - 沙律清甜, 配埋蕃茄仔, 有d汁, 正~
我記得好似係拼盤, 係好多人叫的, 名我唔記得喇 !
我記得好似有「德國豬手、黑毛豬午餐肉、豬肉卷」全豬肉~ 豬手做得不錯 , 起碼個皮係脆, 好喜歡骨膠原好重既筋位, 好好味 ! 黑毛豬午餐肉好濃香, 食一片好夠~ 豬肉卷,其實係豬肉腸, 好味~ 好彩叫左個菜, 呢道豬肉好飽~
牛油檸檬煎海爐魚 - 雖然等左好耐, 不過呢道魚真係好正 ! 外皮煎得脆脆, d肉岩岩好, 好滑~ 配埋個汁, 好好味喔~~ 呢道魚真係要叫~ 我覺得好好味~ 旁邊仲有d細細粒既甘荀仔, 好甜~ 好滿足~~
朋友仔生日當然要有生日蛋糕啦~~
Happy Birthday Karen~
老土D都要講祝你心想事成, 工作順利呀 !
我地其實識左十一年架喇~ 我同琳琳識左十二年~ 我真係唔敢相信我地真係一直都係好朋友~ 因為你地係我心目中都算係讀書叻, 做野又叻~ 而我又傻下傻下咁一日~ 真係好開心識到你地, 我相信你地都好開心識到我既~~哈哈哈 ! 我要快D見證住你地結婚, 一齊生BB~ 到時我地既話題又廣闊D~ I LOVE U & U :3
傾計傾到叫杯茶慢慢坐, 呢度好好, 唔會趕你, 侍應好熱心, 服務好好~ 今晚實在太高興~ 期待下次見面喇~ yeah~ 因為到小妹我生日喇 ! 哈哈哈~
感謝 仙蒂小溫太 提供以上資料
個人日誌: http://cindylittlemrswan.blogspot.hk/
| 
