抱歉,發生點錯誤。
重新載入
鯉魚門 - 妹記海鮮及鉅記酒家
AboutFood
2014-06-26
1407
0
分享
收藏
這其實是兩間舖頭,一間賣海鮮,一間是酒家,酒家本身都有自己的海鮮賣只是這次幫襯了正正酒家門口對面的舖頭買海鮮。

講起鯉魚門,這裡海鮮的加工費計法很特別,不是按食材計而是按人頭計,即係你每個人唔理食幾多唔理海鮮平定貴都係收咁多加工費,咁當然唔好自已去街市買過來給他們煮,話晒人地賣海鮮都要賺吓錢,唔係咁大間酒家點"維皮",一些外加食材如炒菜、麵等是要另加錢,由於按人頭計關係食比較難煮及貴價的食物感覺上較底。  photo KuKeeRestaurant-01.jpg 
先在妹記那裡秤海鮮,可能當時人少老細幾好人有推介了些較平及靚的海鮮,龍蝦估唔到咁平只是幾蚊兩,重要唔係得兩隻鉗的波士頓龍蝦,選了隻細的約斤半,另外老細推介選條斑一味兩食,條斑都起碼有三四斤好大條承為800,其實以這類海鮮檔來講好底。之後唔駛理行過去鉅記酒家那裡食完照平時咁埋單就得,佢地自己會分帳。  photo MuiKee-01.jpg  photo MuiKee-02.jpg  photo MuiKee-03.jpg 
送的海鮮湯入面有幾多料,味道麻麻地啦,始終感覺比較味精。  photo KuKeeRestaurant-02.jpg 
先來一碟炒斑片,真係唔講得笑,火路掌握得好好斑片緊緊熟,非常嫩滑好食,條魚本身新鮮所以魚肉彈牙及一點腥味都沒有,茨汁較薄做出來效果很好。唔好睇好似得好少咁其實係隻碟好大隻所以睇起來好似好少。  photo KuKeeRestaurant-03.jpg 
之後炸球腩又係好大碟及好多肉,簡簡單單做出來效果亦很好,炸粉不太厚,魚炸得略生回鑊炒炒勾薄茨後緊熟又是拿捏得出色,無乜野好講,好好食。  photo KuKeeRestaurant-04.jpg 
上湯炒龍蝦伊麵底都好食,做得唔錯只是沒兩味魚做得咁出色所以相對有點失色,龍蝦有很輕微過熟但已比一般的中菜舖好。  photo KuKeeRestaurant-05.jpg 
秤海鮮時妹記老闆問要食乜野生果任選一樣,我話要蜜瓜同木瓜一樣一半得唔得,結果佢豪埋蜜瓜俾我。糖水都好食不過唔記得影相。海鮮檔老闆話送生果盆但價目表話兩樣都要收錢,無睇單唔知有無收。 photo KuKeeRestaurant-06.jpg 
唔知會唔會平日價錢平點,四個人埋單一千七百幾是有點貴,不過比起外面同類店舖己算平,且真係幾好食幾滿意。

感謝 All About Foods 提供以上資料

個人日誌: http://hkgfoods.blogspot.hk/

~END~
商店 鉅記海鮮酒家 Ku Kee Restaurant