估唔到之前的東城咁快玩完變了現在的富東閣，看門面及裡面的裝修都有些格調，價錢都是差不得幾多。由於早茶的特價點心不多及在同區裡不算便宜，所以以早茶來講是有一點貴。  

看看食物質素，先來特價的鳳爪排骨飯及金針雲耳雞飯，餸比想像中少一點，味道幾好，飯幾香。  

不過蛋黃蓮蓉包就很過份，蓮蓉正常的，只是蛋黃少到......這不是個別情況，三個包都是這樣，蛋黃約只有一粉飯咁上下大。老細，叫蓮蓉包算把啦。  

叉燒包味道麻麻地都可以，綿花蝦丸亦都只是麻麻地講真唔係幾好味唔係幾夠鮮味，蝦膠幾鬆散。最後的生煎包本來好有期望，因送點心的呀姐在你面前將一點酒倒入去才開蓋，包下面亦有洋蔥。可惜真的可惜，首先呀姐因不熟手酒倒了在煲蓋上便馬上開蓋，根本沒有在鍋內焗一焗，何來酒香，二來包本身唔好食，饀少肉更少，調味亦唔好，整體說是唔好食。  

感謝 All About Foods 提供以上資料

個人日誌: http://hkgfoods.blogspot.hk/