小西灣特別是藍灣一帶的新發展區環境都幾好，大商場入面的食店也不少。這次不去飲下午茶改食 pub food 睇吓點。

選了這間食店與其說是餐廳酒吧，不如直接說是酒吧，只是現今很多這類吧都喜歡用這種形式來經營，日間比傳統提供 pub food 的酒吧更似一間餐廳。這裡待應都講英文唔識廣東話，要有些心理準備。

一開始講是 pub food 當然就預期食物唔會好似餐廳咁，但部份又真的太似送酒小食了，特別是雞翼及煙肉卷。煙肉卷其實都好食的，而雞翼就很細隻太乾及唔夠味，旁邊的沙律分量比想像中少很多，沙律汁亦少味味幾麻麻。

另一個餐的沙律就大點，味道麻麻地，而意大利飯又用咗自己最唔鐘意的鮮冬菇去煮，唔駛講我一定會話唔好食，撇開冬菇的問題味道亦只是一般般，飯過熟及略略唔夠濕。湯味道可以的。

感謝 All About Foods 提供以上資料

個人日誌: http://hkgfoods.blogspot.hk/