這次去飲下午茶，下午茶點心價錢較一般大形屋苑酒樓貴少少，又睇吓食物係唔係好一點。  

釀矮瓜是正常樣子正常味道，只是上面加了點木魚片送來時好像日式煎餅咁郁吓郁吓幾得意。  

牛百葉味道算不過不失，面的一層牛百葉蒸得有點老有點韌，中間的就沒問題。  

流沙包外表幾好樣，不過搣開真係唔見得人，包皮厚到......饀少到......真係得相中見到咁多饀，味道亦只是麻麻地。突然好懷念以前灣仔新星的流沙包，有好香的鹹蛋黃味且能見到有少少鹹蛋黃油，不小心吃真係醬爆噴汁的，不過兩三年前已有點走樣試過幾次都無咁好食，最明顯是無咁香鹹蛋黃味無咁流心無咁多饀，饀顏色由較橙黃變成吉士醬的黃色，唔知係咪換過師父，雖然仍比很多食店好食但特登去食就無謂了，好耐無幫襯過現在如何就唔知了。  

這裡的雞扎就唔錯，起碼是用淮山等的較舊式做法，雞幾滑沒上很多粉，成碟都幾好味。  

感謝 All About Foods 提供以上資料

個人日誌: http://hkgfoods.blogspot.hk/