中環的 Soho 都真係有很多餐廳，要食勻晒都唔容易，這次去食的是假日午餐，價錢算是比較平。





 

首先是法國長麵包，相信是普通麵包店交來的，所以是正正常常麵包店買到的水準。比較特別的是麵包任食，唔夠可以問侍應再要，旁邊一小片是牛油。


 

其中一個餐的頭盆巴麻水腿蜜瓜沙律，樣子靚唔靚就見仁見智，沙律汁味道很麻麻亦唔多夠，蜜瓜較生只有少少甜，火腿因價錢關係亦較一般。蟹籽蝦湯份量很少，大啖點幾啖就完，味道其實近似蕃茄湯多過蝦湯，都可以的。





 

主菜紐西蘭羊扒伴蒜茸汁味道都可以但又唔算好好食，賣相就麻麻地伴碟功夫唔多得。


 

甜品選了 Tiramisu，這些一家大細會食的餐當然唔會有酒味，不過跟 Tiramisu 真係唔多罅間。味道同一般屋邨做得好少少的餅店分別不大。最後的咖啡茶無乜好講，味道比一般茶包的好但比好的茶餐廳差。





 

另一個餐似乎同餐牌寫的好唔同，不知是否點錯了另一個餐，沙律是鴨胸沙律及粟米湯，主菜是羊腩，味道同用些少鹽白烚沒多大分別，羊腩是淋的亦沒有膻味，不過真係唔係我杯茶只能用唔好食來形容。





 

最後的甜品蛋糕仔亦唔好食，好在極細塊。


 

感謝 All About Foods 提供以上資料

個人日誌: http://hkgfoods.blogspot.hk/