抱歉,發生點錯誤。
重新載入
創新績。PB跑(第二回)
荔枝莊
2014-09-19
533
0
分享
收藏
日期:2014年9月9日(星期二,中秋節翌日)
地點:將軍澳
時間:8:40am
賽程:10K

這是一個有情意結的跑賽!一來是將軍澳主場,二來這是我去年復出後的第一個跑賽!原來又一年了......

我八時許出門,老公踩單車去將軍澳運動場,而我則帶好號碼布慢跑過去當warm up!當我跑到去單車館時,有工作人員在路邊打氣喊加油,原來3K的正在跑緊!我不好意思讓人知道,我是路過而已!:P

見到火兄在影相,我一邊展示笑樣,一邊個嘴唔郁但在喉嚨細聲說:「我未開跑架!」XD

去到運動場,好多人呀!但見不到識的人呢!@@

終於和老公團聚,和碰到生完BB復出跑的Milly!:D


帶了MP3打算一邊跑一邊聽歌,平時一開機就會在上次停的地方再播,但我早上發現剩餘的電不多,故差了一會電!但每次差完電後,要重新select曲目的,現場環境好鬼曬!看不清screen的字,搞了一會都未得,然後...... 開跑了!@@

哎呀!唔搞喇!就咁跑啦!^_^!

一晚前翻查紀錄,我10K的record是54:xx,心想不知今時今日能否在55分鐘完成呢?那即可保持5:30的pacing嗎?

路線是先來回往調景嶺方向的海濱公園,再來回往日出康城的海濱長廊!

一開始比較塞人,但心想都不要緊啦!留前鬥後嘛!開始當是warm up囉!首2K分別是5:41和5:46,心想慢慢再上番5:30啦!但怎料,原來這2K是我最快的速度來的了!@@

跑了3.5K,東叔在後面出現,問:「聽緊乜呀?」我哈哈笑:「冇呀!開唔設機呀!哈哈!」真係好低能!個個都以為我聽緊歌,其實係乜都冇!XD 我說:「阿駒在前面呀!追佢啦!」他說:「剛才他過我時打了招呼喇!」

是日天氣又熱又曬,正正是敝莊主的死穴,我已經盡量不去想這問題,當太陽是朋友可以嗎?不去對抗它,與它共存可以嗎?

跑了5K,開始覺得好難頂,點捱返去?後來才知道,原來老公跑了1K後,已經是逐K逐K咁捱返去!咁我都不算是太屎啫!:P

見到自己每1K的速度都在下降中,但心跳呢?沒變過喎!仍保持在178左右,我就知道其實不可能再快的了,慢跑捱到返去已很好!見到有附近有賽員在行路,真的很吸引!但... 我還可以慢跑下去,堅持住不要走路呀!>_<

跑了7K,聽到工作人員替賽員「加油」說:「過左一半喇!加油呀!」我心想,跑得咁辛苦才「一半」?!好彩我有錶睇,否則聽完會更沮喪呀!我寧願妳係咪都話「就到喇!」都好過人家好辛苦捱了「一大半」時來告訴人得「一半」!當心靈和身體都脆弱的時候,真係好敏感架!>.<

好不容易,經過單車館了,那運動場即是在前面,加速啦!但... 還有「很長」的路呀!一陣先啦!踏入跑道,還不加速?...跑多一百米先啦!就死喇!最後200米,僅餘仲有幾多力都盡去喇!終點前,看不清誰在叫,只聽到大家叫我加油!


過了終點,唔得!好辛苦呀!駒叔不知從那兒飄了出來,遞來電解質飲品,但那一刻,想飲都飲唔到,要抖順番條氣才飲到!一喝,咦?唔凍既?難道他已回來很久?耐到凍都變暖?!@@

後來自己排隊取飲品才知道,原來是室溫即拆箱即派的,哈哈!我可能想起幾天前的水陸賽,以為會將飲品放在冰桶!^_^!

這個10K賽的距離很準喎!去年年底西貢區議會辦的將軍澳10K跑賽,最後連9K都不足!今次我在衝終點的一刻隻錶同步震了一下!我的時間是65:57,這樣的天氣,當然PB不成,未PK已算不錯!平時我的烈陽神功最多練到第二層,今天,已經好突破喇!睇番data,原來最後時心跳去到193,乜原來我個心咁強勁?!:P

*******

記得去年9月2日我做了最後一次電療,第一個復出的跑賽就是這個PB Run,當年的中秋節是在9月尾的!那年我參加5K,最初練習的時候連2K都跑不到,會氣喘,要跑+行!

一轉眼又一年了,曾想過「節制」些今年先不要報這麼多比賽,是節制過一次,就是沒有報一場陸上兩項,之後的...... 幾乎全都報晒玩晒了!XD

OK啦!敝莊主復活了嘛!一切已重新起步!全面投入喇!^0^


我的小檔案

2013 創新績。PB跑(第一回)


============================================

感謝 荔枝莊 提供以上資料

荔枝莊的網誌: http://laichili.blogspot.hk/


============================================

~END~