抱歉,發生點錯誤。
重新載入
小溫太の廿六慶牛一 ● 綜合朋友飯局 I ●
仙蒂小溫太
2014-09-17
583
0
分享
收藏

小溫太の廿六慶牛一 ● 綜合朋友飯局 ●

不經不覺又一年喇~ 真係寫卜睇返就覺得時間過得勁勁勁勁快~ 多謝今年朋友們都記得我, 大家都好有心一早約我食生日飯, 可惜我身體有D小問題, 要改期~ 哈哈~ 成個生日週飯局勁長~ 不過真係好開心好感動呀 ! 有時係到諗, 我真係好幸福, 身邊永遠好多開心事, 唔開心又有朋友聽我傾訴, 老公又願意聽我既不滿. 爸媽又願意幫我分憂, 當有唔開心我好快又可以忘記, 所以我成日同自己講每一日我都要過得好開心, 好充實。我自己有時間做到自己喜歡做既事, 見喜歡見既朋友, 身體健康已經係很幸運很幸福的平凡人, 就很足夠喇 ! 

記得有天前上司朋友約我食LUNCH, 影下相post上FB, 我就留言講左句:「我真幸運到那裡工作都遇到好上司,都會變左我朋友」之後有位朋友留言俾我,佢話 「唔係幸運咁簡單,係因為你心地好,所以身邊既人都感受得到」, 唔知點解我睇完眼濕濕(打打下卜都係, 哈哈 ), 其實係好感動, 一路以來我都好真心對待身邊任何一位, 當然我亦有受過傷, 原來真係有朋友明白我真心對佢咁, 呢句說話搞到我好感動 ~~ 我好鬼眼淺~哈哈哈 ! 這是我繼續做好人好事的動力喔 ! 因為太多晚都係慶生飯局, 一次過記起佢先得 ! 真係好多謝咁多朋友同我慶祝呀 ! 小妹真係萬分感動~ 真係收到哂  (擁抱大家)  : )



18 August, 2014
餐廳 : Primo Ristorante Italiano



我好姐妹們琳琳、Karen一早約定我喇~ 原來要俾我驚喜~ 哈哈哈 ! 就係呢個蛋糕呀~ 我個心真係好好好好甜呀~~ 多謝你地呀 ! 蛋糕超好食, 蛋糕非常香滑, 係朱古力蛋糕, 但又唔會太甜, 重點係脆脆地, 我地食得太飽, 蛋糕只能食到一半, 仲有一半帶俾老公食, 佢都讚好好味, 等我下次要訂過俾屋企人試下先~ 

今晚好多謝好姐妹們為我準備餐廳同禮物~ 我真係好感欣識到你地, 我地走過十個年頭, 少年時既無知衝動, 到今時今日, 我地大個喇~ 各有各生活, 感情無減~ 愛你們 ♥

我地一去到就好餓, 叫左一道前菜Nachos, 再加三道主菜(Pizza、魚、risotto)再加碗洋蔥湯, 最估唔到係Nachos咁大份, 已經一黎清哂, 已經飽左一半, 哈哈哈 ! 因為真係非常好食, 特別係個海鱸魚, 煎到個皮脆脆, 肉質仲好滑~ risotto係好濃蘑菇味~ 洋蔥湯唔知係咪好正宗, 但就真係超好飲, 我估都係正宗架喇~ 睇住張相又好想飲喇~ 你話丫~ 我d姐妹係咪對我好好, 仲揀間咁正既餐廳食飯, 心都甜哂呀 ! 我返屋企第一時間同老公分享d相佢睇, 下次決定帶佢去試 ~
**不過呢間餐廳出菜係非常慢, 真係俾你傾計摸下酒杯底去食就岩喇 ! 要快既就唔好考慮**  


21 August,2014
餐廳 : 香港喜來登酒店咖啡廳 The Cafe

YO~ 又黎第二日喇 ! 我親愛的爸爸、媽媽、妹妹、未來妹夫要請我食BUFFET~ 原本想食YAMM, 點知真係好多人食, 無哂位, 轉場去喜來登, 食物一般, 不過要黎食生蠔食抵的, 可惜我一世與貝殼類無緣呀~~~ 睇見妹妹同媽咪食得咁開心, 就知好正 ~ 

呢度食物總類多, 不過我都係喜歡貴精不貴多~ 大家一致覺得上次Cafe (Hyatt)好食D~


自助餐最喜歡每樣少少, 食到試過好滿足~


哈哈~ 甜品時間我走去整個「朱古力窩夫配雪糕」超邪惡既爆肥甜品~ 哈哈哈~ 不過好好味呀 ! 我同妹妹一人一件超開心的~ 

多謝哂妹夫呀~ 哈哈 ~ 做家姐真好, 有咁多細佬妹~我真幸福~ 等我下次再帶大家去食好野啦 ! 



23 August. 2014
餐廳 :  黃宅 - 自家打邊爐

話說我唔太舒服~ 一切從簡喇 ! 原本都想黎我度搞小派對, 我無能為力呀~~ 最後黃爸媽話佢地搞, 我又唔想佢地辛苦呀 ! 最後決定打邊爐算喇~ 快靚正 ! 今晚大家返齊黎同我慶祝好感動呀~~ 最開心既就係收到我妹份重禮 , 嘩 ! 到時你嫁我真係識做架喇 ! 哈哈哈~~ 係LINKS既手鏈, 今年既禮物我一份都未用呀~ 真係好唔捨得用~~  好多謝你地喔 !

多謝大家~ 最搞笑係大細佬份正方盒, 大家以為係水泡, 最後係面膜, 仲要堅好用, 我仲打算自購, 點知原來好貴, 我就唔買喇 ! 哈哈哈哈~ 多謝你既水泡面膜呀細佬~


25 August, 2014
餐廳 :  牧羊少年咖啡.茶.酒館

有個lunch既時間同前上司見面喇~ 大家已經係朋友仔~ 最開心係知道有喜呀~~ 恭喜恭喜恭喜~~ 好開心身邊又多一位朋友做媽媽喇 ! 見christy見面最開心係咩到傾, 重點大家都係人妻, 咩都up~ 最緊要岩嘴型啦 ! 哈哈 ! 多謝你份禮物喔~ 我一定會用的~ 食完lunch仲去左行街街, 我買左好多衫~ 好開心~ 哈哈


餐廳 :  Chicken n Egg

血拼完時間早左到九龍城, 今次金花姐妹決定呢間好特別既餐廳~ 只係食雞同蛋~ 真係好飽~ 哈哈哈~ 未齊人我地四個叫左杯野飲, 好搞鬼, 好似紅綠燈咁~ 真係紅黃綠色架~~搞笑~~ 其實有個名架~~ 我飲紅色叫做排毒 - 有紅菜頭、蘋果、紅蘿蔔、薄荷
綠色真係叫清綠, 好似五青汁咁~ 黃色最好飲叫正能量 - 有橙、薑、菠蘿, 各有特色~~

真係好餓~~ 一黎都要飲杯先架喇 ! 我特別算是薯仔沙律, 最簡單越難做得好食~ 真係好味 ! 雞就叫左一隻share~ 雞肉真係好滑, 有汁, 唔肥~ 好似係外國入口雞~ 呢道唔錯~ 好岩我地黎 ! 哈哈 ! 雞同蛋都係我地最愛~

多謝金花姐妹們, 今年我廿六喇 ! 多謝一路以黎有你地陪我成長呀 ! 有時對住你地, 傾返讀書個陣真係忍唔住大笑~ 我地做埋d野真係好白痴低能呀~~~ 不過係好開心 ! 

多謝~ ♥ 


我既快樂事仲未完架~~~ 等我得閒再打下卜呀~~ 有睇我FB都知我搞咩~ 哈哈我忙住整芋頭酥呀 ! 學完要不停改良下, 我要做得更好, 我已經日日整咁濟, 屋企人朋友試食, 我都做唔切~ 哈哈 ! 不過最緊要大家喜歡~ 我就開心啦~~





感謝 仙蒂小溫太 提供以上資料

個人日誌: http://cindylittlemrswan.blogspot.hk/

~END~
商店 (已結業)Primo Ristorante Italiano