抱歉,發生點錯誤。
重新載入
秋風起野餐之旅 - 大棠郊野公園
芙芙
2012-10-26
5794
0
分享
收藏
秋風起,最好就係出去行下山,
我地一家人又出發小旅行啦!今次目的地係大棠郊野公園!

出發之前,我地帶備左野餐的食物、水、風箏兩隻!


我地一家人同埋大家姐的一對情侶朋友,齊齊由元朗出發,
行上大棠郊野公園,沿路見到大欖郊野公園的字樣,
究竟係叫大棠定係大欖,有無人知道呀?


睇下呢度幾大,係咪好少人呢?
梗係少啦,因為仲係朝早呀ma!
呢日的行程點會淨係野餐呀!我地仲plan左去行下麥理浩經ga!
呢度係起點,我地會行個圈返返黎野餐!


一路行呀行呀!又上又落,
空氣十分清新,沿路仲有好多人帶住狗仔黎行山,
可見呢條山路唔會難得去邊,實在係一家大細的郊遊好去處!


呢條石橋下面係一條小溪,溪水唔多,
不過一旦落大雨時,就會好似山洪咁ga啦!


呢種植物叫咩名堂呢?個樣好似朵花,
唔知本身有無花瓣ga呢?如果大家知道請留言!


呢D石路應該唔係天然gei,我地一邊行一邊研究,
究竟山路係點起ga呢?唔通真係好似天梯咁慢慢鑿出黎?
咁大舊石點搬上黎呀?答案係用直升機囉!


話咁快行左兩個幾鐘,我地終於返到起點啦!


行左半日真係好肚餓,搵返個靚位先!
呢度好多人燒野食,好多靚位都俾人用緊啦!
我地唯有曬住陽光野餐,吸收日光精華!


睇下我地預備左幾多食物!野餐小食其實好易整,
遲d post俾大家share下呢次的食譜啦!又係easy job呀!
講係咁講,其實我同大家姐一早7:30起身整囉!


食飽飽齊齊做下小運動,睇下圖中呢位先生幾有嫦娥的背影!

當風箏遇上風,它會飛到天空中,
但是當天沒有風,目定口呆得個窿!


當日真係無咩風,大家都係十熟九頭咁跑呀跑,
風箏不斷飛幾下又跌下,不過仍然影響不到嫦娥先生同我大家姐的天真,
佢地幻想無風都一定會飛得起,於是再跑呀跑咁跑足個幾鐘!

就係咁樣玩左一日,我地一家返到屋企,
除左我又出左街之外,成家人都9點幾就訓左覺!

忘了跟大家說,每逢11月份,
在這個大棠自然教育徑是有機會看到紅葉的,有機會大家去看看吧!






~END~
商店 野餐 好去處