31 OCTOBER 2014(FRI)

依排基本上每日都要出嚟銅鑼灣，記得之前睇過大仁介紹，知道係利舞台開左間Lego專門店，所以就去八卦一吓，順便等自己輕鬆一吓。

本身我就唔算係Lego Fans，所以我嚟嘅最主要目的，就係嚟食Lego蛋糕~

AA Place係全香港最大和最著名的專門店售賣Lego產品，其實離遠望入去，就已經見到好多Lego啦~

萬勝節關係，門口嘅超人帶上南瓜面具，好攪笑呀~

一入到店舖，我就已經被唔同種類嘅Lego吸引住，真係砌得好細緻，像真度都好似，好利害呀！

相信負責砌的工作人員一定花好多心機去完成，自問我就一定係冇依個恆心同耐性，所以我都係專心睇就好了~

我覺得最特別就係有一個零售區，可以因應個人需要一粒粒咁購買所需要嘅Lego執式，而且我望過啲顏色同款式都有好多唔同選擇呀~

行到最入仲有一個環境幾好嘅自由砌區域，我見場內仲有大少Lego俾小朋友玩，環境都好似唔錯哦！不過小小豬暫時都唔係太"好"玩Lego，等佢大個啲啲先帶佢嚟玩啦~

其實店內仲有香港第一間Lego人仔博物館 - Mini figure Museum，職員姐姐話入面有差唔多六千幾款Lego人仔展覽，當中仲有好多係珍藏品嚟添。不過因為要俾$50入場卷，我就覺得貴左少少(可能係我唔識欣賞)，所以都冇入去參觀啦~

參觀左一轉之後，終於嚟到個重頭節目，就係食Lego蛋糕啦~

其實每一件Lego蛋糕都好靚，真係睇到我都心大心細，唔知買邊件好呀~

最後都係決定食我至愛嘅Tiramisu啦~

店舖外有幾張小枱，買完蛋糕之後就可以嚟慢慢食啦~

先講件Tiramisu，個味道又真係唔錯，食落唔會好甜但又好夠味，整體嚟講就真係好食。雖然Lego人仔個樣就真係好得意，但食落就覺得非常甜而且又硬左啲啲。不過其實依啲精緻蛋糕都預左有依啲情況，所以冇所謂啦，當係佢嘅特式啦！

MY FACEBOOK~


MY WEIBO~

 

MY E-MAIL~

 

 

其他博客區

※※ SINA ※※

※※ MyBB星級Blogger ※※

※※ She.com ※※

※※ WeShare ※※

※※ theZtyle ※※

※※ U-Blog ※※

※※ SeeWide ※※

※※ BlogSpot ※※

※※ BK Milk 親子語 ※※