舊式滋味-興記麵食店 (太子) SeeWide

上次係芺芺列度介紹依間麵食店, 一直心思思想去. 琴日終於有機會啦, 同D同事一齊去. 我當然食牛筋水餃撈啦! 我個order嚟啦, 一上檯見到點解有牛腩嘅, 唔見水餃, 以為伯伯搞錯咗, 一問原來嗌牛筋係伯有埋牛腩架, D水餃原來係底, 搞到勁唔好意思.

講番個麵, 水餃好爽口,蝦同豬肉唔多,但好多木耳好多荀, 啱我口味. 牛筋好腍, 入晒味, 牛腩比較瘦, 唔係好啱我. 因為我愛肥腩. 至於麵呢, 嘩, 簡直啱我口味, 爽口彈牙又唔係硬身,個硬度啱啱好, 簡直可以用完美黎形容. (真係不得不讚錄麵嘅伯伯, 時間掌握得好好). 又冇梘水味. 有D人會好LIKE, 但我聞到就有反胃感覺. 最主要我見伯伯係麵上掃上豬油, 依個係精華所在. 而個湯沒有韮王及大地魚味, 好清甜.

雖然只係一間舊式小店, 應該由2個伯伯經營, 環境亦都麻麻, 但有時依D小店嘅出品比起D其他好有規模嘅麵鋪, 仲有誠意得多. 我有機會一定再幫襯.