3 DECEMBER 2014(THU)

真係可以用話咁快嚟形容，唔覺唔覺就嚟到我地結婚七周年紀念，所以今晚就出街食個簡單嘅晚餐慶祝一番啦~

其實大肥豬一向都唔太著重啲節日慶祝，佢話如果係開心嘅話日日都係節日，送禮亦都唔需要節日。

雖然我都幾認同依個想法，不過話晒都叫做有一個慶祝活動，點都要出去簡簡單單食個晚餐，所以大肥豬就同我地入去將軍嘅行一轉，順便就去UCC食晚餐啦！

我都算大鄉理，UCC開左咁耐，就連分店都開左幾間，今日我先係第一次光顧呀~

UCC最出名都應該係嗰個自助沙律BAR，曾經何時我都係PIZZA HUT試過玩一次，不過自此之後PIZZA HUT都取消左自助沙律BAR，終於今次有得再玩過啦~

不過最開心嗰個唔係我，睇吓小小豬幾興奮，因為有佢至愛嘅啫喱呀~

即刻飛撲去夾啫喱呀~

由於個底部建立的唔好(都係怪小小豬嗰三粒啫喱)，所以我嘅沙律整成品都唔可以加太多嘢，不過都叫做將我鐘意食嘅加晒，只不過係唔夠多呀...哈哈哈~

係我努力整沙律嘅時候，原來個餐湯已經送到，當我行到返枱時，竟然見到個奇景，就係一向唔鐘意飲粟米湯嘅小小豬，不停係度飲，仲讚好味添。就係咁我嘅湯就俾小小豬KO了，見小小豬飲得咁落力，相信個湯都應該唔差呀~

我地嘅主菜嚟啦，依個芝士三文魚菠菜意粉就係小小豬嘅，入面都好足料，三文魚分量都算多，再加上個好味嘅白汁，所以整體上又真係唔錯~

小小豬食到啲呢...啲芝士成口都係啦，不過佢話咁好得意哦，真係唔知佢啲咩理論呀...哈哈哈~

之後仲叫多左一個海鮮焗飯，味道都算唔錯，大肥豬仲對依個焗飯讚口不絕添~

最後我就飲杯凍檸檬茶~

小小豬就食佢至愛嘅啫喱~

三口子就開開心心食完依個結婚七周年紀念晚餐，其實UCC啲食物除左好食之外，我覺得啲店務員嘅服務態度都好好，所以大肥豬都話下次可以再嚟依度食過，等小小豬可以再去夾沙律BAR哦！

MY FACEBOOK~


MY WEIBO~

 

MY E-MAIL~

 

 

其他博客區

※※ SINA ※※

※※ MyBB星級Blogger ※※

※※ She.com ※※

※※ WeShare ※※

※※ theZtyle ※※

※※ U-Blog ※※

※※ SeeWide ※※

※※ BlogSpot ※※

※※ BK Milk 親子語 ※※