今日我們坐西鐵去元朗食漢堡包, 千里迢迢是因為阿太話:「EC kitchen連林慧美都推介, 手打架...我好想食個鵝肝漢堡呀!」

今日目的地~元朗鳳攸南街, 原來非常近西鐵站, 年頭我們到旁邊一間態度不佳的「糖水舖」食【盆栽甜品】, 還不識路, 從BB仔涼粉繞了個大圈才到, 真笨!!

EC kitchen的舖位十分細, 不過店外放了5張木枱, 食客可選擇共享陽光嘆漢堡, 十分寫意…下午4時半到達, 剛好有顧客離開, 我們即時坐下...

女店員曲奇說:「30分鐘你哋食唔食得完呀? 因為我哋要收枱啦...5點之後食環嚟會捉, 捉到好麻煩」(我好想邊欣賞日落邊嘆漢堡呀!!)

為了慢慢享受，今日我們坐了漢堡包店旁邊, 一個店舖本來用來放貨, 現在加了十數個座位，變成一個不怕被「抄牌」的堂食用地, 但當然氣氛並沒有坐在戶外那裡正吧!!

由開業就幫手的店員曲奇非常忙碌, 不斷來回穿梭兩舖位, 我問星期日是否特別忙呢? 她邊做邊答:「今日忙到我食完早餐之後, 都無時間食過嘢...」

原來EC kitchen己經開業3年多, 老闆Eric話某年冬天在加拿大讀書, 吃過一隻令他念念不忘的熱狗, 而他又極鍾意食漢堡包, 所以當年想創業, 就即時想到開店賣漢堡包及熱狗。

最初開業自已落手落腳煎漢堡, 之後分身不暇, 於是就請來師傅幫手之今. 師傅說:「E個鐘數叫做清閒啲, 所以可以慢慢煎.」(所以我也阻一阻師傅...拍下他煮漢堡的英姿)

EC Kitchen有雞肉, 羊肉, 豬肉漢堡, 不過我其實只鍾情牛肉.  阿太一早已選定了鵝肝漢堡, 而Eric則推介我吃黑松露西冷牛肉漢堡包, 不過我從來不愛吃漢堡的包, 因為全部也是交來的現貨, 所以我改了意粉底.

因為付款後, 師傅才落鑊煎漢堡, 所以每款食物也需時約十分鐘, 熱辣辣端上枱, 相隔一個身位已經聞得肉香.

EC Kitchen的漢堡很誇張, 其實可以用「波波肉團」來形容, 厚度絕對是一般漢堡的1倍.(其實漢堡的Size, 似十足一個「心太軟」差不多大..勁!!)

鵝肝的份量以$88來說, 絶對不會失望, 而且煎得又夠香, 鬆化感覺...有少少貪心的, 還是想來厚一點, 整個包就會變得更美滿.

我的西冷扒又鬆又腍又多肉汁, 再配上陣陣松露香, 咬一口已經興奮得如同昨晚, 看千嬅與郭富城合唱《狂野之城》一樣. 正爆...

不過, 為何肉內有很多細少的粒粒呢? 估計應該是牛筋粒, 感覺有點奇怪, (少少沙石又如同千嬅唱現場一樣??), 於是我向Eric查詢 :「我哋專登加咗啲牛筋入漢堡, 令到肉有啲咬口, 可以咬得碎嘅」

哦! 原來是為增加口感之用, 不過, 可能我還是忠於原著, 如果, Eric可以設計有筋與無筋兩款選擇, 可能更能受不同食客歡迎.(可能我欠牙力...)

不想阿囝吃太多薯條, 於是點了酥炸洋蔥圈給他, 甜甜地, 又不太膩, 感覺健康得多. (想不到SY說洋蔥圈好食過薯條多多聲喎)

店內掛滿不少卡通畫作, 最初我還以為Eric兼職教小朋友畫晝, 「唔係呀! 係我太太同囡囡畫嘅, 佢哋鍾意畫, 我又覺得好襯間舖, 米掛上去囉.」

至於林慧美FB上提及「街坊稱元朗「劉華漢堡」的「EC Kitchen」…」點解叫劉華??  Eric笑笑口:「佢講笑遮, (係米街坊覺得你似劉華?), 點會呀…我都唔知點解喎…」

有機會真的要問問街坊了解了解一下!!

大仁生活facebook

http://dayanlife.blogspot.hk/2015/01/ec-kitchen.html