抱歉,發生點錯誤。
重新載入
【唔想你走】喊到變豬頭 @《STAND BY ME: 多啦A夢》叮噹
大仁生活
2015-02-08
1534
3
分享
收藏

終於等到睇叮噹, 我意思是《STAND BY ME: 多啦A夢》, 我不是叮噹粉, 不過「離別以前未知相對, 當日那麼好⋯⋯」



1980年《大雄的恐龍》開始, 日本每年春季例必會有一部叮噹電影, 不過今次的《STAND BY ME》卻為記念藤子‧F‧不二雄誕辰80周年, 而變成為第一套CG電腦奇怪外貌叮噹外, 更是2014年內日本第2套叮噹電影.




老實說, 35套叮噹電影, 全部都有入戲院觀看的人一定不多, 估計大家可能買DVD睇, 可能BT睇, 又可能索性等CCTVB, 過時過節中午播放睇!!(而我則一次都未試過到戲院睇叮噹)



不過, 今次《STAND BY ME 》對我們香港人的意義大大不同, 原因從前只是喜愛叮噹的朋友才入場, 今次去捧場, 因為大家想懷念林保全先生.



今日小朋友個個也非常雀躍的等待開場, 不過大仁心情「實的的」, 因為入場要送別我的童年回憶.



本來, 在家中找回1997年, 第一次與阿太去日本旅行, 領養回來的大叮噹齊齊入場, 但遭人反對:「咁大隻點攞呀? 大佬...入到場佢坐係邊呀??」, 結果叮噹無緣去看叮噹, 我知他很不高興, 因為叮噹好可憐的一值倒轉頭, 躲在梳化等我們回家.



一開場首先來保全叔女兒的感謝詞,之後電影才正式開始。



看慣幾十年的大雄, 今次最不似樣, 第一感覺似王祖藍扮哈利波特, 其實基本上各人3D CG化後, 已經不再傳統, 但外貌變還變, 當保全叔聲音一出, 我的鼻子就不自覺的酸了.



今次當觀眾一入場, 電影一開始, 其實就是以3D CG帶你重回1982年2月, 430穿梭機第一次播叮噹的畫面, 真的由頭再做一次, 叮噹與大雄初遇, 叮噹為何愛吃豆沙包, 大雄第一次用竹青蜒⋯⋯



其實, 我雙眼望著大銀幕, 腦海卻同時忙碌的又在回憶起自己小學, 中學, 下午追看叮噹的一幕一幕無關痛癢的情景. (唔通我中了神奇回憶槍?)



由零開始說故事, 當中的開心, 笑料, 搗蛋情節, 靜香洗澡, 胖虎被媽媽打等經典場面不絕, 這樣前段愈開心, 你也預計得到, 尾段的重拳一出, 一定會淚流滿面.(紙巾要一早緊握住!)



「開水喉」的時刻,終於發生在叮噹要離開大雄倒數48小時,編劇先生還要加大力度,於兩人的友情再著墨, 「我唔可以留係度, 真係要走啦!!」這句預先披露的對白一出, 我完全被攻陷了. 



我承認我哭有8成是為了保全叔, 但我真的「喊到變豬頭」, 我對上一次在戲院哭是看劉雅麗的「伴我同行」, 因為「和姐」令我掛念小學時湊我的滿姐, 今天的眼淚是為陪伴我30年的聲音而盡情發洩。



SY回家途中也輕輕的對我說:「我頭先都有喊,我都好唔捨得叮噹走⋯⋯」雖然兩父子都不捨, 原來可以為不同的事而作同樣的哭泣喎。




(今晚很Down, 連家中的鍵盤也一樣Down了, 有冇咁橋?結果漏夜衝去買新Keyboard,整個人當堂醒晒!)



大仁生活facebook

http://dayanlife.blogspot.hk/2015/02/stand-by-me-a_7.html




~END~
商店 德福廣場
EEChan2015-02-08 13:16:49
+ 追隨
舉報
回覆
1874飛飛2015-02-08 23:45:29
+ 追隨
舉報
大家都感覺有些少失落感
回覆
小龍2015-02-09 18:29:08
+ 追隨
舉報
睇到你d相,都搞到我有d想喊
回覆