期待已久的元朗大食遊終於在情人節成團了相約了甜魔媽媽,Oli,劉總一同癲吃haha~元朗這塊吃的土地真係勁多多多好嘢食難怪住此的甜魔媽媽竟然還未全部吃過,今次我哋一行4人由11:00am吃到接近16:00pm巳抱著肚子回家甚麼華嫂.......還是要下回再續了~每次經過開心小敘都被那香噴噴的豬扒味吸引住終於一嚐所願
開心豬扒飯$35大家看那碧波盪漾的雙蛋多誘人豬扒須非厚切但又淋又入味好食到dum地啊~叫多份全日餐$27厚多士加$4正常味道啦~
Oli的熱奶茶充滿茶渣的模樣但聽Oli講風味不錯架
甜魔媽媽極度推介占美餅店嘅蛋白撻真係香又滑正斗非常如非要殺戮下去真想吃埋酥皮蛋撻呢^0^
繼續食唔好比佢停再嚟EC Kitchen
芝士牛肉漢堡$30加$10配薯條和罐裝汽水,牛要交給好友品嚐喇
磨菇雞肉漢堡$30同上一樣加$10配薯條和罐裝汽水,雞肉不鞋口味道就一般般但此價位冇挑剔啦~
炸薯條炸得頗乾身新鮮炸起那會不好吃
雞翼印尼撈麵$14加了點炸蒜好香口略嫌乾身了少許
早餐都吃那麼多但又勁想試豆花米線就外帶一碗上甜魔家吃吧!!
豆花米線加一款小食只賣$28仲有豆漿送豆味頗足,其實豆花喺撈米線內發揮作用不大不過那雜醬非常雲南風味充滿昭通醬香味是我好like的味道份量也頗多呢~
喺甜魔家休息一會等埋阿龍收工回來便再出發橫掃元朗食店,阿龍推介發記吃豬膶粥Woo my favourite
豬膶粥$23豬膶勁厚身咬下粉嫩剛熟好好好正喔!!怪不得店子如此高朋滿座
到吃甜了Wins Goodies舖子小小的但內有乾坤
正值愛意濃濃嘅情人節店方推出情人節甜品Love Forever$128
賣相超美唇膏用白朱古力做成配上心太軟和櫻花mousse香檳啫喱旁邊襯上雜莓精緻奪目,我偏愛那香檳啫喱酒味恰到好處跟好友吃也好有feel
法式牛角酥配果醬及忌廉跟咖啡$42牛角酥質感不錯微暖不油,劉總喝的咖啡見他淺嚐後放棄了它應該味道遠不及香氣呢~
迷你牛角酥2件$42亦是跟上咖啡,有三款味道可選朱古力,杏仁,開心果我哋揀了前兩者我略嫌內餡太豐富有點槳口不是我杯茶囉~
法式拿雲尼拿破崙配咖啡或花茶$48正常味道
檸檬撻配咖啡或花茶$52撻皮好正不散也鬆脆檸檬餡好香都係嗰句酸D更啱我呢!!
花茶都有4款包括甜魔媽媽的洛神花茶Oli的伯爵茶(忘了影相添)另外洋金菊,蜜榭茶
上次見甜魔媽媽吃此店的烤大磨菇巳將之收納為必吃之選元朗大食遊點少得佢M Station 1呢~
實物比圖片更美更誘人架
最大嗰隻$6X多元給我個寵幸咗了
大家看大過拳頭的烤磨菇流晒口水喇!!
磨菇內塗上茄醬火腿洋蔥面頭加上厚厚芝士即烤而成切後見到勁juicy~
食力驚人的喪食團終於到尾聲了八斗我勁想試此家的奶茶因為Oli和甜魔媽媽也十分推介
我要凍奶茶不過真有點失望茶味不濃心想是否凍飲茶味差D即刻試咗劉總杯熱的亦不見得多點茶香水準有點飄忽
飽到要打包走haha~
西多士正常味道
炸雞脾配沙律算ok呀脾脾有肉汁不會乾巴巴的
阿龍私有化的洲炒米(明明之前叫飽的)隊光光haha~
開心小聚 占美餅店 EC Kitchen 豆花妹撈線 發記腸粉粥品 Wins Goodies M Station 1 八斗砂鍋粥茶餐廳
|
