抱歉,發生點錯誤。
重新載入
【越茶越愛】鐵板綠茶淋雪糕 滋味誘惑 @ 川善茶居
大仁生活
2015-02-25
1079
2
分享
收藏

阿太年初四重點推介:「綠茶活埋熱辣辣鐵板雪糕...試唔試!我即時興奮得瞳孔無限放大:「去去去!! 於是周日一家三口去環嘆綠茶.



原來川善茶居已經開了三年多我還以為新正頭的環商廈五樓不用排隊誰知一樣要等40分鐘才可以入場. (不過小走廊好熱好焗我知唔啱但都要打開防煙門抖抖氣)




茶居裝修很Fusion, 右手邊是中國式的茶莊格局但左手邊則西式Cafe設計梳化酸枝木凳及豹紋絨小椅好另類!!(其實好襯新正頭有20度氣溫的一樣奇怪感覺)



我問店員Hester, 店的設計好得意喎, Hester:「係呀!因為老闆娘好研究飲茶又鍾意造蛋糕讀書時已經不停自己整甜品所以舖頭都裝修到佢鍾意嘅元素掛」



對不起!! 我又得罪人...因為我見老闆娘精通中西日文化於是好奇問Hester:「老闆娘年紀係米幾大??



Hester尷尬笑笑:「我咁樣算唔算大我同佢係澳洲同學...(唔好意思我即刻紅都臉埋)



原來Hester不是店員:「我唔係喺度做架我只係嚟放低嘢因為老闆娘係上海開咗分店好少返嚟我見人多又得閒米留低幫吓手囉」(合照完她就走了,  好彩今日嚟得合時遇到好人)



今日阿太有點不適, Hester推介了她的最愛Matcha soul熱飲給她這是暖暖抹茶荳奶最特別是面頭配上潤潤的蜜糖(影相時表面縮咗啲賣相差少少但內涵好正)



抹茶表層還有杏仁片及桂花底層則有提子乾飲後的情況十足睇「校長」演唱會竟然有霆鋒做嘉賓錦上添花豐富溫暖又滿足.




本來今日我們想點鐵板焙茶雪糕但未到5所有焙茶Brownie已經售罄於是唯有點選清爽的焙茶白雪伴雪糕給SY.




其實最初也怕這位挑剔的小朋友會嫌棄誰知他飲不停食不停還大叫好食. (當然啦!! 又牛奶又雪糕滑一滑啦)




最後等了約20分鐘就來到今日VIP出場店員一端上台就對我說:「我諗你要拍片得啦」(我用連拍啦因為拍片我懶剪片呀!)



上台時還帶煎炸聲的熱騰騰鐵板, Brownie底部發出的沙沙聲非常有衝勁!! 左影右影前影後影...(阿太:大佬我可以倒綠茶未呀個雪糕都溶喇你見唔見到呢  ??)...OK,OK



抹茶不斷注入雪糕綠色開始全面覆蓋鐵板, Brownie及雪糕簡直我對你心跳的感覺 高低跌盪...




我問店員:「下次可唔可以叫焙茶Brownie, 但畀抹茶我倒落去即兩溝呀?」原來店員答我從未有客人要求過連他們自己也未試過喎 (咁即係下次我可唔可以咁做呢?)



煎過的抹茶漿點雪糕感覺正到不得了而且今次感覺毫無罪惡感因為愈添更多抹茶這個甜品不是更愈健康嗎?



又香又凍又熱又軟又實的層次一次過出現食完唯一最最最想講就是:「添食」兩個字.



未知老闆娘於上海回歸後會否除焙茶綠茶後再研究第三款味道呢?



吃飽飽後揚言要爸爸給他養貓的小朋友走到正在睡覺的川善小可愛旁邊不停撫摸「搣咕」的頭殼頂突然「搣咕」右爪向前一抓嚇得阿囝整個人立刻躲到凳後.




店員:「佢係川善主人嚟好有性格架我哋三個都係佢奴隸佢瞓覺最唔鍾意人攪佢」(正呀!有性格...我諗阿囝以後都唔敢再叫我畀佢養貓...多謝「搣咕」)






大仁生活facebook

http://dayanlife.blogspot.hk/2015/02/blog-post_24.html

~END~
商店 川善茶居
1874飛飛2015-02-25 09:49:03
+ 追隨
舉報
引用自 '大仁生活' 的相片:

回覆:咁食又未見過[
回覆
大仁生活2015-02-26 00:32:30
+ 追隨
舉報
有時間試下, 好好食
原文由1874飛飛於2015-02-25 09:49:03發表
引用自 '大仁生活' 的相片:

回覆:咁食又未見過[
回覆