土地灣、龍脊、大浪灣 @ 2012
|
|
LazyPigPig
2012-06-24
2724
0
|
分享
收藏
24/6/2012 (陰)
今日行山由大潭水塘引水道開始,經土地灣,打爛埕頂山,龍脊至大浪灣 天陰陰以為涼涼地啦 ! 點知都幾熱吓 ! 唔知係未同85%濕度有關呢 ? 中午12 點鐘..........出發.......... 港島徑第7段 大潭水塘引水道至土地灣 坐14號巴士,係大潭水塘(北)下車,即係未過水霸前下車, 對面會見到e個行山路牌....... 起步...........係e樹行落去........ 這條行山徑大多數路段都是同引水道做朋友,即是一路都是沿著引水道行 行得非常輕鬆,因為差不多都是平路來的........ 大概行咗40分鐘,就會見到無敵水霸view 了 之後一路行都有無敵海景view陪住........好正呀! 仲開始有好多小花花睇tim.......... 沿路行有唔少由引水道造成既小瀑布...... 輕輕鬆鬆行到e度都係平路,一d 都唔難行, 由起點行到見到爛泥灣,大概用了90分鐘到啦 ! 行多一陣就會見到土地灣了,e個灘有好多帆船..........等我影吓相先..... 之前係網上睇料時,有人話e樹有士多,以為可以食吓嘢tim 但原來只供自己友的,所以只有汽水買,想食嘢就.........no la oh......咁我既午餐點算呀! 既然冇嘢食,唯有繼續向上行啦 ! 嚟到e 度,再回望一吓土地灣..........享受一吓個view先........
再向上行多幾級,就會見到e個巴士站,
今日第一個目標港島徑第七段已經完成了........ 這樣行吓hea吓咁就行咗2個半鐘,攰既話就可以係度跳上巴士.......返歸休息 如果唔夠喉呢 ! 可以好似我咁行過對面,開始第二個目標港島徑第8段 港島徑第8段 - 土地灣至大浪灣 (其中會經過一段龍脊徑,2004年時被 時代週刊(亞洲版)選為亞洲最佳市區遠足徑) http://beta.discoverhongkong.com/tc/see-do/great-outdoors/hikes/dragons-back-hiking-tour.jsp http://www.afcd.gov.hk/tc_chi/country/cou_vis/cou_vis_cou/cou_vis_cou_so/cou_vis_cou_so.html 好! 我地就係 e個超臭廁所開始起步.............再出發....... 睇吓龍脊風景有幾靚先...........我嚟la..... 大概向上行 30 分鐘樓梯,就會見到e個靚view la 差不多4 點鐘,終於行到打爛埕頂山,龍脊徑開始la......... 跟住繼續向前行都好輕鬆,雖然係行山脊,但上落差不是太大,平路和落斜居多...... 只是冇咩樹蔭,陽光普照既時候都應該曬得好金吓....... 雖然今日天氣咁鬼熱,但e樹都好好風,有d涼風吹吓吹吓,好鬼舒服喔! 行到去龍脊觀景台時,望出去既風景簡直一流呀 ! 右邊望到石澳海灘、東平洲、橫欄島.................. 左邊就望赤柱、大潭、南丫島......... 龍脊路段,是全日裡面最多花花 ,小昆蟲,同蝴蝶出現既地方..... e 隻唔知咩嚟呢? 好鬼得意,又紅又綠好鬼搶眼ga........... 行吓又影吓相,由龍脊觀景台去到e個分岔口都要成個鐘ga,而龍脊徑也在此行完了..... 好! 繼續向大浪灣進發,目的要同distance post H100 影相同食嘢(已經好肚餓了)...... 跟住條路行吓行吓又兜咗去柴灣個邊,e條第8段睇風景真係好鬼正呀! 除了龍脊上既無敵靚景之外,係度望出去都唔錯丫............ 個天好黑呀 ! 千萬不要下雨喔! 目的地大浪灣出現la........以為好快到tim 不過見到佢之後,沒有停過下,仲要急步落山,都要行多40分鐘先到呀 ! 終於見到你la.......H100..... 影番張相先...... 睇吓E張相就明點解我會同佢影張相,即係話H100 係港島徑既最後一支distance post 啦! 感覺良好,好似行晒五十公里咁。哈哈! 我覺得自己超無聊呀 ! 行到5 點半鐘,見到大浪灣村了....... 全日都冇食過嘢 ! 第一時間飛奔走去食番個餐旦叮醫吓個肚,再+杯冰凍回魂檸樂先 .......................舒服晒 !
感謝 LazyPigPig 提供以上資料
個人日誌: http://www.lazypigpigso.blogspot.hk/ |
~END~
商店 | 龍脊遠足徑 |