同事M:「有冇食過大坑炳記奶茶, 豬扒麵..好鬼正架, 最近仲成條巷貼晒漫畫添」, 報章指陳奕迅也經常光顧, 說得如此吸引, 於是年初四我們就去大坑探炳記.

同事M:「你打個電話去先啦, 人哋可能未必開…」(心諗:今時今日年初一都大把舖研開啦…點駛打電話咁麻煩)

誰知一踏入羊年就開口中…, (真係六合彩又唔見我中?), 炳記年廿九一直休至新十一.

SY:「爸爸點解佢無開嘅? 偷懶呀?」我答:「你學校都休息到3月2日啦, 咁米一樣…」被講中的小朋友少少發悔氣:「我都唔係懶..」就走了去後巷睇漫畫.

其實我一心想過來食豬扒麵,, 25蚊咋..認真超值, 不知味道…是否如傳說中般驚為天人呢? (哎呀!點解老闆唔開呀?...幅漫畫究竟係老闆定蔡蘭呢??)

炳記店身貼有一幅非常可愛的卡通水彩插畫, 正正就是平日奇門如市的炳記情況, 原來是出自一位Mitsuko Onodera日本女插畫師的手筆.

繪畫當日為2013/11/12日, 原來識畫畫, 用筆記住當時情況, 真的浪漫到不得了.

(插畫下有E臣簽名, 係米即係陳奕迅?)

SY:「又話帶我嚟食豬扒…我好肚餓啦…」(影多少少…(幾多吖??) 5張相, OK??

原來後巷貼了兩位藝術家, 「茶色金魚」及「Toki Cheung」的大作, 如果可以一邊食一邊睇就最好.

當我不停影影影之際, 我發現沒有了小朋友的聲音, 原來他坐了排檔的膠凳仔上. 我奇怪問:「小朋友, 你做咩呀??」 SY:「我肚餓都唔識郁啦…」OK!現在即去食飯.

沒有得食炳記豬扒, 我們走到前面轉角, 奇門如市的祥勝解決午餐, (不過, 年初四,  4成大坑食肆都未開, 所以祥勝忙到「踢晒腳」.

坐對面叔叔, 則整塊豬扒原卦不動流在碟上, 並自言自語:「點解今日咁差, 無味又唔腍」, 我搭訕:「係咩? 我又唔覺太差」其時, 他的朋友:「你要求高啫, 你睇我又唔覺得有問題, 仲食晒啦, 好奄尖架你」(老朋友一唱一和, 真有趣)

臨走前, 我發現遠處有張馬賽克, (E~係唔係Space Invaders大作呀??) 結果原來是一張CookingMaMa. (少少失望, 好彩我食咗無加一的祥勝, 這CookingMaMa新正頭要加15%服務費…真係襟住搶喎)