11 NOV,2013

川善茶居, 聽就聽得多喇~ 睇卜都睇過幾次, 但就真係未去過喇 ! 難得約到HANKY媽傾下計, 一於帶佢去試下先~ 好耐無同HANKY媽兩個人密密針喇~ 以前日日見就話日日傾, 呢加少左見面, 又真係幾掛住以前開心既日子既~ 當然回憶係美好既 !

講返川善茶居係上環既, 都幾方便, 地鐵站一出過條馬路就係昌盛大廈,按5樓上去就得~ 不過一上到去既感覺就係 ? 呢度就係茶居 ? 影相就幾靚~ 哈哈哈~ 去到好似好亂既感覺, 不過都OK既~ 第一下唔係好習慣~ 坐落傾下計都唔錯~

有好多茶既擺設/產品~ 好中西合壁既感覺, 佈置中式, 食物飲品好西餐~

第一時間叫野食先啦~ 不過先DL 川善茶居APPS 有95折架 ! 我就即刻DL左喇~ 叫左兩件CAKE~ Banana Toffee Pudding~ 係香蕉我都岩既~ 哈哈~ 上面仲加球雪糕~ 實在太美味喇~~~ Pudding似少少濕既蛋糕質地好香~ 好好味 !

Green Tea Angel Cake , 天使蛋糕真係好天使蛋糕FEEL呀 ! 好軟熟既質地~ 唔太甜, GREEN TEA味濃~ 好好味喔 !

Matcha Soul ,我同hanky都係叫左呢杯~ 好香濃既抹茶泡沫~熱熱既, 好好飲呀 ! 上面仲有少少nut既物體, 加左少少既糖漿係面, 好好味 !

yeah ! 咁樣食住傾計實在太幸福喇 ! 一傾又傾左兩個鍾~ 時間真係過得好快呢~

影張相先~~~ 放假真係好輕鬆呀~~~~~~

川善茶居 Sinmei Tea

地址 : 上環永樂街50號昌盛大廈5樓

(港鐵:上環站A2出口)